గ్రహాలు కదలికలు..రాశులను బట్టి మీ జాతకం ఎలా ఉందో చెప్పేదే జ్యోతిష శాస్త్రం. చాలామందికి జ్యోతిష శాస్త్రంపై నమ్మకముంటుంది. ప్రతిరోజూ తమ జాతకం ఎలా ఉంటుందో అనే ఆసక్తి ఉంటుంది. ఈ క్రమంలో ఇవాళ అంటే నవంబర్ 23వ తేదీన మీ మీ రాశిఫలాలు ఎలా ఉన్నాయో తెలుసుకుందాం.
మేషరాశి: ఈ రాశివారికి ఆరోగ్య పరిస్థితులు మిశ్రమంగా ఉంటాయి. ఆర్ధికంగా ఇవాళ మంచిరోజు. వ్యాపారానికి సంబంధించిన వ్యక్తులు మిశ్రమ లాభాల్ని ఆర్జిస్తారు. కుటుంబ జీవితంలో పరిస్థితులు అనువుగానే ఉంటాయి. అనవసరమైన ఘర్షణలకు దూరంగా ఉంటే మంచిది. ఈ రాశివారి లక్కీ టైమ్ ఉదయం 6 గంటల్నించి మద్యాహ్నం 12 గంటల వరకూ ఉంటుంది.
వృషభరాశి : ఈ రాశివారికి ఆర్ధికంగా బాగుంటుంది. ఆరోగ్యపరంగా మాత్రం ప్రతికూల పరిస్థితులు ఎదురుకానున్నాయి. వైవాహిక జీవితం బాగుంటుంది. ఇరువురి మధ్య సంబంధాలు బలపడతాయి. వ్యాపారులకు అనువైన రోజు. విద్యార్ధులైతే కష్టపడి చదివితే మంచిది. ఈ రాశివారి లక్కీ టైమ్ సాయంత్రం 5 గంటల 55 నిమిషాల నుంచి రాత్రి 10 గంటల వరకూ ఉంటుంది.
మిధున రాశి : ఈ రాశిలో పుట్టినవారికి ఆరోగ్యపరంగా ప్రతికూలంగా ఉండవచ్చు. ఇక ఆర్ధికంగా ఎక్కువ ప్రయోజనాలు పొందవచ్చు. కుటుంబసభ్యుల మధ్య సమన్వయం దెబ్బతినే అవకాశాలున్నాయి. జీవిత భాగస్వామి మానసిక పరిస్థితి దెబ్బతింటుంది. తొందరపడి ఏ నిర్ణయం తీసుకోవద్దు. మంచిది కాదంటున్నారు పండితులు. ఈ రాశివారి లక్కీటైమ్ సాయంత్రం 5 గంటల నుంచి రాత్రి 9 గంటల వరకూ ఉంది.
కర్కాటక రాశి : ఈ రాశివారికి కూడా ఆరోగ్యం విషయంలో ప్రతికూల పరిస్థితులుంటాయి. ముఖ్యంగా కాళ్ల నొప్పి సమస్య ఎక్కువగా ఉండవచ్చు. ఇక ఆర్ధికంగా బాగుంటుంది. వ్యాపారులకైతే పెద్ద డీల్స్ సెట్ అవుతాయి. జీవిత భాగస్వామితో మరింత ప్రేమగా ఉంటారు. పెళ్లికానివారైతే..ఏ విధమైన తొందరపాటు నిర్ణయం తీసుకోవద్దు. ఈ రాశివారి లక్కీటైమ్ మధ్యాహ్నం 12 గంటల 40 నిమిషాల నుంచి సాయంత్రం 6 గంటల వరకూ ఉంది.
సింహ రాశి : ఈ రాశిలో పుట్టినవారు ఆరోగ్యం బాగుంటుంది కానీ అప్రమత్తంగా ఉండాలి. ముఖ్యంగా ఒత్తిడికి దూరంగా ఉండాల్సి ఉంుటంది. ఆర్ధికంగా పరిస్థితులు బాగుంటాయి. ఉద్యోగస్థులకు మంచి గుర్తింపు లభిస్తుంది. భాగస్వామ్య వ్యాపారాల్లో తొందరపాటు మంచిది కాదు. నిర్ణయాలు తెలివిగా..సొంతంగా తీసుకుంటేనే మంచిది. ఈ రాశివారికి లక్కీటైమ్ సాయంత్రం 4 గంటల్నించి రాత్రి 9 గంటల వరకూ ఉంటుంది.
కన్య రాశి : ఈ రాశిలో పుట్టినవారికి ఆర్ధికంగా చాలా బాగుంటుంది కానీ ఆరోగ్యపరంగా కాస్త ఇబ్బంది ఎదురుకావచ్చు. ముందూ వెనుకా ఆలోచించకుండా నిర్ణయాలు తీసుకుంటే ఫలితాలు అనుభవిస్తారు. వ్యాపారస్థులకు ప్రతికూలంగా ఉంటుంది. జాగ్రత్తగా ఉంటే మంచిది. ఈ రాశివారి లక్కీటైమ్ ఉదయం 8 గంటల్నించి సాయంత్రం 5 గంటల వరకూ ఉంది.
తుల రాశి : ఈ రాశిలో పుట్టినవారి ఆరోగ్య పరిస్థితి బాగుండదు. చిన్న చిన్న అనారోగ్య సమస్యలు వెంటాడుతాయి. ఇక ఆర్ధికపరంగా ఫరవాలేదు. ఉద్యోగం మారాలనే ఆలోచన ఉంటే తెలివిగా నిర్ణయం తీసుకోండి. జీవిత భాగస్వామితో ఎక్కువ సమయం గడిపితే ఏ విధమైన సమస్యలు ఉండవు. కుటుంబసభ్యులతో సంబంధాలు దెబ్బతినే పరిస్థితి ఉంటుంది. ఈ రాశివారి లక్కీ టైమ్ ఉదయం 4 గంటల 35 నిమిషాల నుంచి మద్యాహ్నం 1 గంట వరకూ ఉంది.
వృశ్చిక రాశి : ఈ రాశివారికి ఆరోగ్యపరంగా బాగుంటుంది. ఆర్ధిక లావాదేవీల విషయంలో జాగ్రత్తగా ఉండాలి. దూర ప్రయాణాలు తప్పవు. కుటుంబ సభ్యులతో గడిపే అవకాశముండదు. జీవిత భాగస్వామి ప్రవర్తనతో మీకు ఇబ్బంది కలగవచ్చు. ఈ రాశివారి లక్కీటైమ్ ఉదయం 10 గంటల నుంచి సాయంత్రం 6 గంటల వరకూ ఉంటుంది.
ధనస్సు రాశి : ఈ రాశిలో పుట్టినవారి ఆర్ధిక పరిస్థితి బాగుంటుంది. ఇటు కుటుంబ సభ్యులతో కూడా హాయిగా ఉంటుంది. తల్లిదండ్రులు మీపట్ల సంతోషంగా ఉండవచ్చు. జీవిత భాగస్వామితో సంబంధాలు మెరుగు పడతాయి. ఆరోగ్యం విషయంలో మాత్రం జాగ్రత్త అవసరం. ఇక ఈ రాశివారి లక్కీటైమ్ సాయంత్రం 6 గంటల 15 నిమిషాల నుంచి రాత్రి 9 గంటల వరకూ ఉంది.
మకర రాశి : ఈ రాశివారికి ఆరోగ్యపరంగా బాగుంటుంది. అటు ఆర్ధికంగా కూడా మంచి ఫలితాలుంటాయి. వ్యాపారంలో కొన్ని ఒడిదుడుకులు ఎదురైనా కచ్చితంగా మంచి మిశ్రమ ఫలితాలు పొందుతారు. ఉద్యోగస్థులు బిజీగా ఉంటారు. చేసే పనులపై దృష్టి పెట్టండి. ఈ రాశివారి లక్కీటైమ్ ఉదయం 6 గంటల 55 నిమిషాల నుంచి సాయంత్ర 4 గంటల వరకూ ఉంటుంది.
కుంభ రాశి : ఈ రాశివారు ఆరోగ్యపరంగా చాలా బాగుంటారు. ఆర్ధికంగా మంచి ప్రయోజనాలుంటాయి. ముఖ్యంగా కొత్త వ్యాపారంలో బాగుంటుంది. అటు ఉద్యోగులకు కూడా బాగుంటుంది. ఇటు జీవితంలో ప్రశాంతత ఉంటుంది. జీవిత భాగస్వామి ఆరోగ్యం బాగుంటుంది. ఈ రాశివారి లక్కీటైమ్ ఉదయం 4 గంటల 5 నిమిషాల నుంచి మద్యాహ్నం 3 గంటల వరకూ ఉంటుంది.
మీన రాశి : ఈ రాశిలో పుట్టినవారికి ఆరోగ్యం విషయంలో ప్రతికూల పరిస్థితులు ఎదురవుతాయి. ఆర్ధిక పరిస్థితులు సాధారణంగానే ఉంటాయి. వ్యాపారులు, ఉద్యోగులకు మిశ్రమ ఫలితాలు కలుగుతాయి. కుటుంబ సభ్యులతో సంబంధాల విషయంలో దృష్టి పెట్టాల్సి ఉంటుంది. ముఖ్యమైన పనుల విషయంలో బద్దకం మంచిది కాదు. ఈ రాశివారి లక్కీటైమ్ మద్యాహ్నం 2 గంటల్నించి రాత్రి 7 గంటల వరకూ ఉంటుంది.
Also read: కార్తీక సోమవారం నవంబర్ 22న మీ రాశి ఫలాలు ఇలా, ఇదే మీ లక్కీ టైమ్ కూడా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
