SSMB 29 Pooja Ceremony: ఎన్నాళ్లో వేచిన ఉదయం ఈనాడే ఉదయించింది అన్నట్టు ఆర్ఆర్ఆర్ తర్వాత రాజమౌళి, మహేష్ బాబు కాంబినేషన్ సెట్ అయింది. ఎపుడూ 18 యేళ్ల క్రితమే ఈ ప్రాజెక్ట్ ఓకే అయింది. ఇప్పటికే రాజమౌళి.. ఈ సినిమా కోసం ప్రీ ప్రొడక్షన్ వర్క్ స్టార్ట్ చేసాడు. అయితే ఎట్టకేలకు ఈ సినిమాకు సంబంధించిన పూజా కార్యక్రమాలతో హైదరాబాద్ లో ప్రారంభమైంది.
SSMB 29 Pooja Ceremony: మహేష్ బాబు, రాజమౌళి సినిమా కోసం అభిమానులు కళ్లల్లో ఒత్తులు వేసుకొని మరి ఎదురు చూస్తున్నారు. ఇప్పటికే ఈ సినిమా కోసం మహేష్ బాబు పూర్తిగా మేకోవర్ అయ్యాడు. మరోవైపు ఈ సినిమాకు సంబంధించిన ప్రీ ప్రొడక్షన్ వర్క్ కంప్లీటైంది. దీంతో కొత్త యేడాదిలో మహేష్ బాబు, రాజమౌళి సినిమాకు కొబ్బరికాయ కొట్టారు.
ఇక మహేష్ బాబుకు తను ఏదైనా సినిమా ఓపెనింగ్ కు వస్తే.. అది ఫెయిల్ అవుతుందనే బ్యాడ్ సెంటిమెంట్ ఉంది. కానీ రాజమౌళితో చేస్తోన్న సినిమా కోసం స్వయంగా హాజరై పూజా కార్యక్రమాల్లో పాల్గొన్నారు. హైదరాబాద్ అల్యూమినియం ఫ్యాక్టరీలో ఈ సినిమా పూజా కార్యక్రమాలతో ప్రారంభమైంది.
కీరవాణి సంగీతం అందిస్తున్న ఈ చిత్రానికి రాజమౌళి తండ్రి రాజ్యసభ సభ్యుడు విజయేంద్ర ప్రసాద్ కథను అందించారు. ఈ సినిమా కోసం మహేష్ బాబు మార్షల్ ఆర్ట్స్ లో ప్రత్యేక శిక్షణ తీసుకున్నాడు. అంతేకాదు జుట్టు పెంచి పూర్తిగా కొత్త లుక్ లో కనిపించనున్నాడు.
రాజమౌళి సినిమాలో మహేష్ బాబు డ్యూయల్ రోల్లో యాక్ట్ చేస్తున్నాడు. టూ డిఫరెంట్ షేడ్స్ ఉన్న పాత్రల్లో మహేష్ బాబు నటన ప్రేక్షకులను ఫిదా చేయడం పక్కా అని చెబుతున్నారు.
ఈ చిత్రాన్ని వచ్చే యేడాది సమ్మర్ కానుకగా విడుదల చేయాలనే ప్లాన్ లో ఉన్నారు. ఇప్పటికే ప్రీ ప్రొడక్షన్ వర్క్ తో కలిపితే .. దాదాపు మూడేళ్లు ఈ సినిమా కోసం మహేష్ బాబు డేట్స్ కేటాయించాడు. ఆర్ఆర్ఆర్ తర్వాత ఆ సినిమా రేంజ్‌కు ఏ మాత్రం తగ్గకుండా ఈ సినిమాను జక్కన్న తెరకెక్కిస్తున్నాడు.
ఈ చిత్రాన్ని రాజమౌళి డిఫరెంట్ హాలీవుడ్ లో అవతార్ వంటి సినిమాలకు వాడిన కెమెరాను యూజ్ చేస్తున్నట్టు సమాచారం. ఇప్పటికే ఈ సినిమాకు సంబంధించిన కథతో పాటు స్రీన్ ప్లే, అన్ని భాషలకు సంబంధించి డైలాగ్స్ వెర్షన్స్ పూర్తయ్యాయి.
ఈ చిత్రాన్ని అమెజాన్ అడవుల నేపథ్యంలో తెరకెక్కించబోతున్న ఇప్పటికే విజయేంద్ర ప్రసాద్ చెప్పారు. ఈ సినిమాను భారతీయ భాషలతో పాటు ఫారెన్ లాంగ్వేజ్ లో రిలీజ్ చేయనున్నారు. ఇప్పటి వరకు ఇండియన్ సిల్వర్ స్క్రీన్ రాని రానీ వెరైటీ కాన్సెప్ట్ తో తెరకెక్కిస్తున్నారు.
రాజమౌళి, మహేష్ బాబు చిత్రానికి ‘గరుడ’ అనే టైటిల్ ఫిక్స్ చేసినట్టు వార్తలు వస్తున్నాయి. ఈ చిత్రంలో మహేష్ బాబు సరసన దేవర ఫేమ్ జాన్వీ కపూర్ దాదాపు ఖరారు చేసినట్టు తెలుస్తుంది. శ్రీ దుర్గా ఆర్ట్స్ పతాకంపై డాక్టర్ కె.ఎల్. నారాయణ ఈ సినిమాను నిర్మిస్తున్నారు. టాలీవుడ్ సీనియర్ హీరో నాగార్జున ఈ మూవీలో మరో ఇంపార్టెంట్ రోల్ చేస్తున్నట్టు సమాచారం. మొత్తంగా ఈ సినిమాకు సంబంధించిన మిగతా వివరాలు త్వరలో తెలియనున్నాయి.
