IND vs PAK: బిస్మా మరుఫ్‌ హాఫ్ సెంచరీ.. భారత్ లక్ష్యం 150!

Bismah Maroof Half Century Help Pakistan Women set 150 target to India Women: మహిళల టీ20 ప్రపంచకప్‌ 2023లో భాగంగా భారత్‌తో జరుగుతున్న మ్యాచులో పాకిస్థాన్ పోరాడే స్కోర్ చేసింది. నిర్ణీత 20 ఓవర్లలో 4 వికెట్ల నష్టానికి 149 రన్స్ చేసింది. దాంతో భారత్ ముందు 150 పరుగుల లక్ష్యం ఉంది. పాకిస్తాన్ కెప్టెన్ బిస్మా మరూఫ్ (68 నాటౌట్; 55 బంతుల్లో 7 ఫోర్లు) అర్ధ సెంచరీ పూర్తి చేసింది. మరో బ్యాటర్ అయేషా నసీమ్‌ (43 నాటౌట్; 25 బంతుల్లో 2 ఫోర్లు, 2 సిక్సులు) కీలక ఇన్నింగ్స్ ఆడింది.   భారత బౌలర్లలో రాధా యాదవ్‌ 2 వికెట్స్ తీయగా.. దీప్తి శర్మ, పూజా వస్త్రాకర్‌ చెరో వికెట్‌ పడగొట్టారు. 

టాస్ గెలిచి బ్యాటింగ్ ఎంచుకున్న పాకిస్తాన్ జట్టుకు ఇన్నింగ్స్ ఆరంభంలోనే షాక్ తగిలింది. ఓపెనర్లు మునీబా అలీ (12), జవేరియా ఖాన్‌ (8) నిరాశపరిచారు. ఈ ఇద్దరిని రాధా యాదవ్‌, దీప్తి శర్మ వెనక్కి పంపారు. ఆపై నిదా దర్‌ (0), సిద్రా అమీన్‌ (11) కూడా తక్కువ పరుగులకే పెవిలియన్ చేరారు. దాంతో 74కే నాలుగు వికెట్లు కోల్పోయిన పాకిస్తాన్ కష్టాల్లో పడింది. ఈ సమయంలో కెప్టెన్ బిస్మా మరూఫ్ జట్టును ఆడుకుంది. 

Innings Break!

2️⃣ wickets for @Radhay_21
1️⃣ wicket each for @Vastrakarp25 & @Deepti_Sharma06

Target 🎯 for #TeamIndia - 150

Scorecard ▶️ https://t.co/OyRDtC9SWK #T20WorldCup | #INDvPAK pic.twitter.com/jKpoBSCA9j

— BCCI Women (@BCCIWomen) February 12, 2023

అయేషా నసీమ్‌ అండతో బిస్మా మరూఫ్ పాకిస్తాన్ జట్టు స్కోరును ముందుకు నడిపింది. ఈ ఇద్దరు ఆచితూచి ఆడారు. గతి తప్పిన బంతి వస్తే బౌండరీలు తరలించారు. ముఖ్యంగా అయేషా చెత్త బంతులను అస్సలు వదలలేదు. సింగిల్స్‌, డబుల్స్‌ తీస్తూ స్కోరు బోర్డును పరుగులెత్తించారు. ఈ క్రమంలోనే మరూఫ్ హాఫ్ సెంచరీ బాదింది. ఇక నిర్ణీత 20 ఓవర్లలో పాక్‌ 149 పరుగులు చేసింది. భారత బౌలర్లలో రాధా యాదవ్‌ 2 వికెట్స్ తీసింది. 

Also Read: IND vs AUS: తొలి టెస్టులో ఆస్ట్రేలియా దారుణ ఓటమి.. రంగంలోకి కొత్త స్పిన్నర్‌! డేవిడ్ వార్నర్‌పై వేటు  

Also Read: Camphor Benefits: రూ.2 కర్పూరంతో ఇన్ని జబ్బులు నయమవుతాయా..?

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ -  https://bit.ly/3P3R74U 

ఆపిల్ లింక్ -  https://apple.co/3loQYe 

Twitter, Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.