Dark Chocolate Nutrition Benefits: డార్క్ చాక్లెట్ సాధారణంగా మిల్క్‌ చాక్లెట్ కంటే ఎక్కువ కోకో శాతం కలిగి ఉంటుంది. ఇది యాంటీఆక్సిడెంట్లు కలిగి ఉంటుంది. ఈ యాంటీఆక్సిడెంట్లు శరీరాన్ని ఫ్రీ రాడికల్స్ వల్ల కలిగే నష్టం నుంచి రక్షించడంలో సహాయపడతాయి. ఇది గుండె సంబంధిత సమస్యల నుంచి రక్షిస్తుంది. అలాగే అధిక రక్తపోటుతో బాధపడేవారికి, రక్త నాళాల పనితీరును మెరుగుపరచడంలో సహాయపడుతుంది.
డార్క్ చాక్లెట్ వల్ల కలిగే మరికొన్ని లాభాలు:
1. మెదడు పనితీరును మెరుగుపరుస్తుంది: డార్క్ చాక్లెట్ లోని ఫ్లేవనోల్స్ మెదడుకు రక్త ప్రవాహాన్ని పెంచుతాయి. ఇది జ్ఞాపకశక్తి, ఏకాగ్రతను మెరుగుపరచడంలో సహాయపడుతుందని కొన్ని అధ్యయనాలు సూచించాయి.
2. హృదయ ఆరోగ్యాన్ని మెరుగుపరుస్తుంది: డార్క్ చాక్లెట్ రక్తపోటును తగ్గించడంలో, చెడు కొలెస్ట్రాల్ స్థాయిలను తగ్గించడంలో సహాయపడుతుంది. అలాగే దీని మంచి కొలెస్ట్రాల్ స్థాయిలను పెంచడంలో మేలు చేస్తుంది. ఇది రక్త గడ్డకట్టడం ప్రమాదాన్ని కూడా తగ్గిస్తుంది.
3. మానసిక స్థితిని మెరుగుపరుస్తుంది: డార్క్ చాక్లెట్ లోని ఎండార్ఫిన్లు మానసిక స్థితిని మెరుగుపరచడంలో ఒత్తిడిని తగ్గించడంలో సహాయపడతాయి. ఇది విచారం, ఆందోళన లక్షణాలను తగ్గించడంలో కూడా ఉపయోగపడుతుంది.
4. చర్మాన్ని ఆరోగ్యంగా ఉంచుతుంది: డార్క్ చాక్లెట్ లోని యాంటీఆక్సిడెంట్లు చర్మాన్ని సూర్యుని నుంచి రక్షించడంలో ముడతలు, వృద్ధాప్య సంకేతాలను తగ్గించడంలో సహాయపడతాయి.
5. రోగనిరోధక శక్తిని పెంచుతుంది: డార్క్ చాక్లెట్ రోగనిరోధక శక్తిని పెంచడంలో ఎంతో మేలు చేస్తుంది. అంతేకాకుండా అంటువ్యాధులకు గురయ్యే ప్రమాదాన్ని తగ్గించడంలో సహాయపడుతుంది.
6. క్యాన్సర్‌తో పోరాడటానికి సహాయపడుతుంది: డార్క్ చాక్లెట్ లోని యాంటీఆక్సిడెంట్లు క్యాన్సర్ కణాల పెరుగుదలను నిరోధించడంలో సహాయపడతాయి. ఇది క్యాన్సర్ కణాలను నాశనం చేయడానికి కూడా సహాయపడుతుంది.
7. పీరియడ్స్ సమయంలో కడుపు నొప్పి: కొన్ని అధ్యయనాల ప్రకారం డార్క్ చాక్లెట్ లోని మెగ్నీషియం పిరియడ్స్ నొప్పిని తగ్గించడంలో సహాయపడుతుందని సూచించాయి.
8. మనోభావాన్ని మెరుగుపరుస్తుంది: డార్క్ చాక్లెట్ ఎండార్ఫిన్లను విడుదలను చేస్తుంది. ఇవి మానసిక స్థితిని మెరుగుపరచడానికి తగ్గించడానికి సహాయపడుతుంది.
గమనిక: డార్క్ చాక్లెట్ తినడం వల్ల కలిగే ప్రయోజనాలను పొందడానికి అధిక కోకో శాతం కలిగిన (70% లేదా అంతకంటే ఎక్కువ) చాక్లెట్‌ను ఎంచుకోవడం చాలా ముఖ్యం. డార్క్ చాక్లెట్ లో కేలరీలు, కొవ్వు ఎక్కువగా ఉంటుందని గుర్తుంచుకోవడం కూడా ముఖ్యం. కాబట్టి దీనిని మితంగా తినండి. మీకు ఏవైనా ప్రశ్నలు ఉంటే వైద్యుడిని సంప్రదించండి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
