नोकरदांसाठी आनंदाची बातमी! Whatsapp वर थेट मिळणार PF धारकांना मदत, कसं ते जाणून घ्या

EPFO WhatsApp Helpline Service : कोरोनाकाळात अनेक नोकरदार व्यक्तींना मोठा फटका बसला आहे. काहींच्या नोकरीवर गदा आली तर काहींना आर्थिक बळासाठी पीएफ अकाऊंटमधील पैसे काढणं भाग पडलं. कोविड 19 मुळे अजूनही अनेक गोष्टींबद्दल अनिश्चितता आहे.  त्यामुळे आर्थिक मदतीसाठी तुम्हांला पीएफ अकाऊंट संबंधित किंवा त्यातील आर्थिक व्यवहारांबद्दल काही प्रश्न असतील तर आता थेट तुमच्या पीएफ अकाऊंटच्या रिजनल ऑफिसमध्ये जाण्याची गरज नाही. EPFO ने कोविड 19 जागतिक संकटाचा धोका पाहता पीएफ अकाऊंट धारकांसाठी विशेष व्हॉट्सअ‍ॅप हेल्पलाईन सर्व्हिस (WhatsApp Helpline Service) सुरू केली आहे. 

 कर्मचारी भविष्य निर्वाह निधी संघटनेच्या (EPFO) सदस्यांसाठी एक नवीन WhatsApp हेल्पलाइन सेवा सुरू करण्यात आली आहे. या सेवेच्या माध्यमातून सभासदांच्या तक्रारींचे त्वरित निराकरण केले जाणार आहे. मंत्रालयाच्या म्हणण्यानुसार, ईपीएफओच्या या सेवेद्वारे तक्रारींचे निराकरण इतर प्लॅटफॉर्मपेक्षा वेगळे असेल. ईपीएफओच्या व्हॉट्सअॅप सेवेपूर्वीच्या इतर प्लॅटफॉर्ममध्ये ईपीएफआयजीएमएस पोर्टल (ईपीएफओचे ऑनलाइन तक्रार निवारण पोर्टल), सीपीजीआरएएमएस, सोशल मीडिया प्लॅटफॉर्म (फेसबुक आणि ट्विटर) आणि 24 तास कॉल सेंटरचा समावेश आहे.

कोणत्याही अडचणीशिवाय सुविधा मिळेल

EPFO ​​ने आपल्या सदस्यांचे जीवन सुलभ करण्यासाठी WhatsApp-आधारित हेल्पलाइन-कम-तक्रार निवारण प्रणाली सुरू केली आहे. यामध्ये पीएफ सदस्य वैयक्तिक स्तरावर ईपीएफओच्या प्रादेशिक कार्यालयांशी थेट संवाद साधू शकतात. आता EPFO ​​च्या सर्व 138 प्रादेशिक कार्यालयांमध्ये WhatsApp हेल्पलाइन सेवा सुरू झाली आहे. कोणताही संबंधित त्यांचे पीएफ खाते असलेल्या संबंधित प्रादेशिक कार्यालयाच्या हेल्पलाइन क्रमांकावर व्हॉट्सअॅप मेसेजद्वारे ईपीएफओशी संबंधित सेवांबाबत कोणत्याही प्रकारची तक्रार नोंदवू शकतो.

वाचा: गुगलवर सर्च करणे पडले महागात, एक क्लिक आणि खात्यातून 1.23 लाख गायब 

संकेतस्थळावर क्रमांक उपलब्ध होतील

सर्व प्रादेशिक कार्यालयांचे WhatsApp हेल्पलाइन क्रमांक EPFO ​​च्या अधिकृत वेबसाइटवर उपलब्ध आहेत. EPFO च्या या हेल्पलाइनचा उद्देश डिजिटल उपक्रमांचा अवलंब करून भागधारकांना स्वावलंबी बनवणे आणि त्यांचे मध्यस्थांवरचे अवलंबित्व दूर करणे हा आहे. तक्रारींचे त्वरित निराकरण सुनिश्चित करण्यासाठी आणि व्हॉट्सअॅपवर उपस्थित केलेल्या प्रश्नांची उत्तरे सुनिश्चित करण्यासाठी प्रत्येक क्षेत्रीय कार्यालयात तज्ञांची स्वतंत्र टीम तयार करण्यात आली आहे. ही हेल्पलाइन सुरू झाल्याने ती चांगलीच लोकप्रिय झाली आहे. आतापर्यंत EPFO ​​ने WhatsApp च्या माध्यमातून 1,64,040 हून अधिक तक्रारी आणि शंकांचे निराकरण केले आहे. व्हॉट्सअॅप हेल्पलाइन क्रमांक जारी केल्यानंतर, फेसबुक/ट्विटरसारख्या सोशल मीडियावरील तक्रारी/प्रश्नांमध्ये 30% घट झाली आहे. EPFIGMS पोर्टलवर 16 टक्क्यांची कमतरता नोंदवण्यात आली आहे.