W,W,W,W! या घातक गोलंदाजाने 4 बॉलमध्ये 4 विकेट घेत रचला इतिहास

मुंबई : क्रिकेटच्या इतिहासात आतापर्यंत अनेकांनी हॅट्ट्रिक घेण्याचा विक्रम नोंदवला आहे. अनेक वेगवेगळ्या देशाच्या खेळाडूंच्या नावावर हॅट्ट्रिक घेण्याचा विक्रम नोंदवला गेला आहे. पण आता एका खेळाडूने 4 बॉलमध्ये 4 विकेट घेण्याचा विक्रम केलाय. वेस्टइंडिज आणि इंग्लंड (WI vs ENG) यांच्यात सुरु असलेल्या 5 सामन्यांच्या सीरीजच्या शेवटच्या सामन्यात जेसन होल्डर (Jason Holder) लागोपाठ 4 विकेट घेत विक्रम केला आहे.

वेस्टइंडिजने इंग्लंड (WI vs ENG) ला शेवटच्या सामन्यात 17 धावांनी पराभवाची धुळ चारली. या सामन्यात जेसन होल्डरने (Jason Holder) शानदार कामगिरी केली. 2.5 ओव्हर मध्ये त्याने 27 रन देत 5 विकेट घेतले. यासह वेस्टइंडिज संघाने सीरीज 3-2 ने आपल्या नावे केली. 

जेसन होल्डर (Jason Holder) वेस्टइंडिजसाठी टी-20 क्रिकेटमध्ये हॅटट्रिक घेणारा पहिला गोलंदाज ठरला आहे. इतकंच नाही तर तो डबल हॅटट्रिक घेणारा जगातील चौथा गोलंदाज बनला आहे.

होल्डरच्या आधी या गोलंदाजाच्या नावावर विक्रम

1. राशिद खान 

अफगाणिस्तानचा (Afghanistan) लेग स्पिनर राशिद खान (Rashid Khan) जगातील पहिला असा गोलंदाज आहे ज्याने 4 बॉलमध्ये 4 विकेट घेण्याचा करिष्मा केला होता. 2019 मध्ये देहरादूनमध्ये आयरलँडच्या विरुद्ध टी-20 आंतरराष्ट्रीय सामन्यात केविन ओब्रायन (Kevin O'Brien), जॉर्ज डॉकरेल (George Dockrell), शेन गेटकेट (Shane Getkate) आणि सिमी सिंह (Simi Singh) यांना त्याने आऊट करत माघारी पाठवलं होतं.

2. लसिथ मलिंगा 

श्रीलंकेचा (Sri Lanka) फास्ट बॉलर लसिथ मलिंगा (Lasith Malinga) याने 2020 मध्ये आंतरराष्ट्रीय क्रिकेटमधून निवृत्तीची घोषणा केली. त्याने 2019 मध्ये न्यूझीलंडच्या विरुद्ध टी-20 सामन्यात कॉलिन मुनरो (Colin Munro), हामिश रदरफोर्ड (Hamish Rutherford), कॉलिन डी ग्रँडहोम (Colin de Grandhomme) आणि रॉस टेलर (Ross Taylor) यांना माघारी पाठवत हा विक्रम नोंदवला होता.

3. कर्टिस कॅम्फर (आयरलँड)

दक्षिण आफ्रिकेमध्ये (South Africa) जन्मलेला पण आयरलँड (Ireland) कडून खेळणारा कर्टिस कॅम्फर (Curtis Campher) याने आयसीसी टी-20 वर्ल्ड कप 2021 (ICC T20 World Cup 2021)  मध्ये नेदरलँड विरुद्ध कॉलिन एकरमैन (Colin Ackermann), रियान टेन डोइशे (Ryan ten Doeschate), स्कॉट एडवर्ड्स (Scott Edwards) आणि रीलोफ वान डर मर्व (Roelof van der Merwe) यांना माघारी वाठवत हा विक्रम केला होता. टी-20 वर्ल्ड कपमध्ये हा विक्रम करणारा तो पहिला क्रिकेटर बनला.