Horoscope Today 9 June 2022: 'या' चुका करु नका, पाहा कसा असेल तुमचा आजचा दिवस

मुंबई : दिवसाची सुरुवात राशीभविष्यापासून. जाणून घ्या आज तुमच्या राशीत नेमकं काय वाढून ठेवलंय.... 

मेष- खासगी क्षेत्रात काम करणाऱ्यांनी लक्षपूर्वक काम करा. आज कामाचा बोजा वाढणार आहे. तुमच्या मनात असणाऱ्या सर्व इच्छा पूर्ण होणार आहेत. कोणाकडूनही उधार पैसे घेऊ नका. 

वृषभ- तुम्ही एखाद्या गोष्टीचं नेतृत्त्वं करत असाल तर तिथं कठोर निर्णय घ्यायला शिका. शांत चित्ताने सर्व विचार करा. 

मिथुन- नोकरीचा शोध आता पूर्ण होणार आहे. सोबतच एखाद्या अशा व्यक्तीची भेट होणार आहे, ज्या व्यक्तीमुळं तुम्हाला करिअरच्या काही नव्या वाटा दिसतील. 

कर्क- आज तुमच्या अपेक्षा पूर्ण होणार आहेत. कुटुंबाची तुमच्याकडून असणारी प्रत्येक अपेक्षा आज पूर्ण होणार आहे. 

सिंह- आरोग्याची काळजी घ्या. तेलकट खाणं टाळा. आज तुमच्यावर आनंदाची बरसात होणार आहे. बऱ्याच मौल्यवान गोष्टी तुमच्या हाती लागणार आहेत. जपून ठेवा. 

कन्या- मादक पदार्थांपासून दूर राहा. धार्मिक कामांमध्ये स्वत:ला गुंतवून ठेवा. चुकीच्या कामांच्या मार्गी जाऊ नका. 

तुळ- विद्यार्थ्यांना आज मोठं यश मिळणार आहे. आजचा दिवस तुमच्यावर सुखाची बरसात करणार आहे. वरिष्ठांचे सल्ले तुम्हाला योग्य वाट दाखवणार आहेत. 

वृश्चिक - सहकाऱ्यांशी चांगला संवाद साधण्याची संधी तुम्हाला मिळणार आहे. एखाद्या जुन्या मित्राला भेटण्याची संधी मिळेल. 

धनु- इतर राशींच्या व्यक्तींसोबत वेळ व्यतीत कराल. संवाद चांगला असल्यामुळं त्यांच्याकडे आकर्षित व्हाल. आज प्रेमाच्या व्यक्तीची भेट घडणार आहे.

मकर- आज अजिबातच कोणाशीही संतापानं बोलू नका. मन एकाग्र ठेवा. कुटुंबाला वेळ द्या. 

कुंभ- मोठ्यांची सेवा करण्याची संधी हातची जाऊ देऊ नका. आज तुमच्या कामाची प्रसंशा करण्यात येणार आहे. कलात्मकतेला वाव द्या. 

मीन- नोकरीच्या ठिकाणी आज मोठा दिलासा मिळणार आहे. आखलेले सर्व बेत मार्गी लागणार आहेत. इतरांची मदत करण्यासाठी हिरीरिनं पुढाकार घ्या.