Lockdown : परळ एसटी डेपोबाहेर प्रवाशांची मोठी गर्दी

लॉकडाऊनमुळे राज्यातील विविध जिल्ह्यांमधील मजूर, कामगार, विद्यार्थी तसेच प्रवासी मुंबईत अडकून आहेत. त्यामुळे कोकणात जाण्यासाठी परळ एसटी डेपोबाहेर प्रवाशांची तोबा गर्दी झाली होती. मोठ्या प्रमाणावर गर्दी झाल्याने त्यावर नियंत्रणासाठी पोलिसांना पाचारण करावे लागले. राज्य शासनाने ९ मे रोजी मोफत एसटी प्रवासाची घोषणा केली होती. त्यामुळे आज परळ बस स्थानकाबाहेर कोकणात जाणाऱ्या प्रवाश्यांनी गर्दी केली.