संयुक्त महाराष्ट्र चळवळीत प्राण ओतणाऱ्या 'या' शाहिरांना तुम्ही किती ओळखता?

तृप्ती गायकवाड, झी मीडिया मुंबई: महाराष्ट्राला मुंबई मिळावी आणि स्वतंत्र महाराष्ट्र राज्य निर्माण व्हावं याकरिता या क्रांतिकारकांनी जितकं मोलाचं कार्य केलं तसंच आपल्या काव्यातून आणि कवणातून समाजाला ज्वलंत वास्तव्य दाखवून देणाऱ्या शाहिरांचं ही तितकच मोलाचं योगदान आहे. भारुड, तमाशा, ओवी, पोवाडा, कीर्तन आणि भजन हा महाराष्ट्राची खास ओळख मानली जाते. ही कला जिवंत ठेवणाऱ्या आणि जपणाऱ्या लोककलावंतांनी फक्त मनोरंजनच नाही तर वेळोवेळी समाजप्रबोधनही केलं. आपल्या किर्तनानातून आयुष्याचा मूलमंत्र देणाऱ्या तुकोबांनी त्यांच्या कीर्तनातून छत्रपती शिवरायांच्या सैन्यात भरती होण्याकरिता तरुणांच्या मनात बीजं पेरली.