Mahakumbh 2025 : महाकुंभला जाण्याचा योग नाही; घरीच करा 'हे' काम, गंगा स्नानाचा मिळेल आशिर्वाद

प्रयागराज येथे महाकुंभ 2025 ला सुरुवात झाली आहे. लाखोंच्या संख्येने भाविक उपस्थित आहेत. पण अनेक लोकांना आजही महाकुंभला जाण्याचा योग आलेला नाही. त्यांनी राहत्या घरी कराव्यात 'या' खास गोष्टी.

| Jan 15, 2025, 16:22 PM IST

उत्तर प्रदेशच्या प्रयागराज येथे महाकुंभ 2025 चा शुभारंभ झाला आहे. जेथे भव्य आणि पवित्र महाकुंभाच्या मेळा याचं आयोजन केलं आहे. धार्मिक मान्यतानुसार, कुंभमेळ्यात स्नान केल्याने व्यक्तीचे पाप नष्ट होतात आणि त्याला मोक्ष मिळतो. हिंदू पौराणिक कथेनुसार, समुद्रमंथनातून निघालेल्या अमृतासाठी देव आणि दानवांमध्ये 12 वर्षे संघर्ष झाला. या काळात, अमृताच्या भांड्यातून काही थेंब चार ठिकाणी पडले - प्रयागराज, हरिद्वार, उज्जैन आणि नाशिक. या ठिकाणी कुंभमेळा आयोजित केला जातो.

1/8

यानिमित्ताने पवित्र स्नान करण्यासाठी प्रयागराजमध्ये आयोजित कुंभमेळ्यात देश-विदेशातून भाविक येत आहेत. अनेक लोक काही ना काही कारणास्तव या महाकुंभाला वैयक्तिकरित्या उपस्थित राहू शकत नाहीत.

2/8

अशा परिस्थितीत, ते त्यांच्या घरी विशेष नियम आणि पद्धतींचे पालन करून महाकुंभाच्या पुण्यचा लाभ घेऊ शकतात. अशा परिस्थितीत, घरी राहून आपण महाकुंभाच्या शाही स्नानाचे पुण्य कसे मिळवू शकतो ते जाणून घेऊया.

3/8

स्नानाचे महत्त्व आणि विधी

शाही स्नानाचा काळ हा सूर्योदयापूर्वीचा असतो. जर तुम्ही पवित्र नदी किंवा सरोवरच्या शेजारी राहत असाल तर ते पाणी घेऊन त्यामध्ये गंगाजल मिसळून त्या पाण्याने स्नान करा. आंघोळ करताना तुम्ही सतत गंगा देवीचे स्मरण करा. 'हर हर गंगे' या मंत्राचा जप करा. असे केल्याने पुण्य प्राप्त होते.

4/8

डुबकी मारण्याचे नियम

कुंभ स्नान करताना नदीत पाच डुबकी मारण्याची परंपरा आहे. जर तुम्ही घरी स्नान करत असाल तेव्हा मनातल्या मनात गंगा स्नानाचे स्मरण करावे. स्नानादरम्यान साबण किंवा इतर रसायनांचा वापर करु नये. हे स्नान करताना पावित्र्य जपून ठेवा.

5/8

सूर्य आणि तुळशीला जल अर्पण करावं

स्नान केल्यानंतर भगवान सूर्याला अर्पण करावेत. यामुळे तांब्याच्या भांड्यात पाणी घेऊ सूर्याला अर्पण करावे. तसेच तुमच्या घराच्या अंगणातील तुळशीला जल अर्पण करावं.

6/8

दानाचे विशेष महत्त्व

महाकुंभाच्या दिवशी दान करणे अत्यंत शुभ मानले जाते. स्नान केल्यानंतर गरीबांना किंवा गरजुंना दान कराने. यामध्ये अन्न, वस्त्र आणि धन याचा समावेश करावा. असं केल्याने जीवनात सकारात्मक ऊर्जेचा संचार होतो.

7/8

सात्विक जीवनशैलीचा स्वीकार

या दिवशी निरंकार उपवास ठेवा आणि सात्विक भोजन करा. कांदा, लसूण आणि तामसिक खाद्य पदार्थ खाणे टाळा. यामुळे शरीर आणि मन दोघांची शुद्धी राहते.

8/8

श्रद्धा आणि पवित्र्य जपा

महाकुंभ आणि शाही स्नानाने शरीर शुद्धतेसोबतच आत्म्याचे पावित्र्य देखील तितकेच महत्त्वाचे आहे. या नियमांचे पालन करताना खरी श्रद्धा आणि पावित्र्य महत्त्वाचं आहे.

पुढील
अल्बम