गौतम गंभीर आणि धोनीबाबत चर्चांना उधाण

कोलकता: शनिवारी झालेल्या कोलकाता नाईट रायडर्स आणि पुण्याविरुद्धच्या मॅचनंतर गौतम गंभीर आणि महेंद्रसिंग धोनीबद्दलच्या चर्चांना उधाण आलं आहे. या मॅचमध्ये पुण्याची टीम 74 रनवर 4 विकेट अशा बिकट परिस्थितीमध्ये होती, तेव्हा धोनी बॅटिंगला आला. 

यावेळी कोलकत्याचा कॅप्टन गंभीरनं धोनीसाठी टेस्ट क्रिकेटमध्ये लावतात तशी फिल्डिंग लावली. धोनीच्या जवळच त्यानं फिल्डरना उभं केलं, तर गंभीर स्वत: सिली पॉईंटला उभा राहिला. 

गंभीरच्या या रणनितीमुळे धोनीला रन काढणं मुश्किल होऊन बसलं. पावसामुळे खेळ थांबला तेव्हा धोनी 22 बॉलमध्ये फक्त 8 रनवर खेळत होता. 20 पेक्षा अधिक बॉल खेळल्यानंतरच्या या आठ रन आत्तापर्यंतचा सगळ्यात कमी स्कोअर आहे.