दीपिकाला गोल्ड मेडलने दिली हुलकावणी

www.24taas.com, झी मीडिया,
भारताची तिरंदाज दीपिका कुमारीला वर्ल्ड कपमध्ये गोल्डनं पुन्हा हुलकावणी दिली. तिला सलग तिस-यांदा सिल्व्हर मेडलवर समाधान मानावं लागले.
19 वर्षिय दीपिकाची सुरुवात चांगली झाली होती. पहिल्या तीन प्रयत्नात तिने प्रत्येकी दहा पॉईंट्स मिळविले होते. त्यामुळे 3-1 अशी आघाडी तिने घेतली होती. मात्र, नंतर दुस-या सेटमध्ये तिला 9, 9 आणि 10 असे पॉईंट्स मिळाले. तिस-या सेटमध्ये तिला 10, 9 पॉईंट्स मिळाले.
आत्मविश्वास गमावल्यामुळे दीपिकाचे बाण योग्य दिशेने जात नव्हते. अखेर चौथ्या सेटमध्येही तिला २८ गुणांवरच समाधान मानावे लागले. त्यामुळे यून हिने ५-३ अशी आघाडी घेतली. दीपिकाला पहिल्यावहिल्या जागतिक सुवर्णपदकापासून रोखण्यासाठी तिला बरोबरीत रोखणे आवश्यक होते. मात्र तिला ते शक्य झालं नाही.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.
* झी २४ तासला ट्विटरवर फॉलो करा.