दिग्दर्शक राजीव पाटील यांना द्या भावपूर्ण श्रद्धांजली

www.24taas.com, झी मीडिया, मुंबई
सामाजिक विषयांवर आशयघन चित्रपट बनवणारे मराठी दिग्दर्शक राजीव पाटील यांचं आज मुंबईत हृदयविकाराच्या झटक्यामुळे निधन झालं आहे. मुंबईतील भगवती रुग्णालयात त्यांचं निधन झालं. ७२ मैल- एक प्रवास हा त्यांचा नुकत्याच प्रदर्शित झालेल्या चित्रपटाचं त्यांनी दिग्दर्शन केलं होतं. मराठीतील साहित्यकृतींवर चित्रपट बनवणं हे त्यांचं वैशिष्ट्य होतं. `सावरखेड एक गाव`, `सनई- चौघडे`, `पांगिरा`, `जोगवा` हे त्यांचे चित्रपट गाजले होते. `जोगवा` चित्रपटाला राष्ट्रीय पुरस्कारही प्राप्त झाला होता. `वंशवेल` या नव्या सिनेमाचं ते दिग्दर्शन करत होते.
अशा सामाजिक भान जपणाऱ्या आणि मराठी सिनेमांची पताका राष्ट्रीय पातळीवर नेणाऱ्या संवेदनशील मराठी दिग्दर्शकाला द्या भावपूर्ण श्रद्धांजली....

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.
* झी २४ तासला ट्विटरवर फॉलो करा.