बॉलिवूड अभिनेत्री मलिका शेरावतवर हल्ला

पॅरिस : बॉलिवूड अभिनेत्री मल्ल‍िका शेरावत हिच्यावर ३ तोंड झाकलेल्या लोकांनी शुक्रवारी रात्री हल्ला केल्याचं बोललं जात आहे. पोलिसांनी या घटनेची माहिती देत म्हटलं की, शुक्रवारी रात्री 9:30 च्या दरम्यान मल्ल‍िका शेरावत तिच्या फ्रेंच बिजनेसमन बॉयफ्रेंड साइरिल ऑक्जेनफेंससोबत जेव्हा घरी पोहोचली तेव्हा त्यांच्यावर हल्ला झाला. त्यांच्यावर अश्रृ गॅस स्प्रे करत त्यांना मारहाण करण्यात आल्याचं देखील समजतंय. त्यानंतर हल्लेखोर तेथून फरार झाले.

Le Parisien या वृत्तपत्रात आलेल्या बातमीनुसार लूटण्याच्या उद्देशाने हल्लेखोरांनी त्यांच्यावर हल्ला केल्याचा बोललं जातंय. हैरान करणारी गोष्ट ही आहे की, मागच्या महिन्यात याच जागी अभिनेत्री किम कर्दाशियन हिच्यावर हल्ला झाला होता. तो देखील लूटण्याच्या उद्देशानेच केला गेल्याची माहिती समोर आली होती.