राष्ट्रपती भवनात रंगला पद्म पुरस्कार वितरण सोहळा

नवी दिल्ली : राष्ट्रपती प्रणव मुखर्जी यांच्या हस्ते मंगळवारी पद्म पुरस्कार देऊन 56 दिग्गजांचा सन्मान करण्यात आला. यामध्ये प्रियांका चोप्रा, सानिया मिर्झा, रजनिकांत, रामोजी राव, उदित नारायण या दिग्गजांचाही समावेश आहे.

राष्ट्रपती भवनात हा सोहळा पार पडाला. प्रजासत्ताक दिनाच्या पूर्वसंध्येला हे पुरस्कार जाहीर करण्यात आले होते. २८ मार्चला ५६ मान्यवरांना पद्म पुरस्कारांनी गौरवण्यात आलं.तर इतर मान्यवरांना आज हा पुरस्कार देण्यात आला.

दाक्षिणात्य सुपरस्टार रजनीकांत यांना पद्मविभूषण पुरस्कार, अभिनेत्री प्रियांका चोप्राला पद्मश्री पुरस्कार तर सानिया मिर्झाला पद्मभूषण पुरस्कारानं गौरवण्यात आलं.