बाप्पा सर्वकाही ठिक करतील - मुख्यमंत्री

www.24taas.com, मुंबई
मुख्यमंत्री पृथ्वीराज चव्हाण यांच्या `वर्षा` या शासकीय निवासस्थानी गणपती बाप्पांचं आगमन झालंय.
बाप्पांची मुख्यमंत्र्यांच्या हस्ते सपत्निक पूजा करण्यात आली. पृथ्वीराज चव्हाण यांचा हा ‘वर्षा’वर गणेशोत्सव साजरा करण्याचं हे पहिलंच वर्ष... मुख्यमंत्री पृथ्वीराज चव्हाण यांनी लाडक्या गणराजाची मनोभावे पूजा केली. राज्यावरची सर्व संकटं दूर कर असं साकडंही यावेळी त्यांनी बाप्पांना घातलंय.
‘केंद्र सरकार स्थिर असून, बाप्पा सर्वकाही ठीक करतील’ असा विश्वासही त्यांनी व्यक्त केला. जगात सध्या मंदीचं वातावरण आहे. त्यामुळे निवडणुका कोणालाच परवडणाऱ्या नाहीत तसंच निवडणुका जनतेलाही नको आहेत, असंही मुख्यमंत्र्यांनी यावेळी म्हटलंय.