चिंता मिटली; आता नव्या नोटा फाटल्यास बदलून मिळणार

मुंबई: नव्याने चलनात आलेल्या नोटा फाटल्यास काय करायचे, यावर आता तोडगा निघाला आहे. 200 आणि दोन हजार रुपयांच्या नोटा फाटलेल्या असल्यास नागरिकांना त्या बँकेतून बदलून मिळतील. खराब आणि फाटलेल्या नोटा बदलून देण्याबाबत अर्थ मंत्रालयाने रिझर्व्ह बँकेच्या प्रस्तावाला मंजुरी दिली. 

नोटाबंदीनंतर दोन हजार रुपयांची नोट चलनात आली. त्यानंतर काही दिवसांत दोनशे रुपयांची नोटही रिझर्व्ह बँकेने चलनात आणली. मात्र, या नोटा खराब किंवा फाटल्या तर तर त्या बदलून मिळत नव्हत्या. कोणताच कायदा नसल्याने बँक नोटा बदलून देण्यास नकार देत होत्या. मात्र, आता अर्थं मंत्रालयाने अशा नोटा बदलून देण्याच्या प्रस्तावाला मंजुरी दिली आहे.