बाळासाहेबांना घरातून मानवंदना द्या, उद्धव ठाकरेंचे शिवसैनिकांना आवाहन

मुंबई : शिवसेनाप्रमुख बाळासाहेब ठाकरे यांच्या स्मृतिदिनी शिवाजी पार्क येथील स्मृतीस्थळावर न जाण्याचं आवाहन मुख्यमंत्री उद्धव ठाकरे यांनी शिवसैनिकांना केलंय. उद्या शिवसेनाप्रमुख बाळासाहेब ठाकरे यांचा स्मृतीदिन आहे. यावेळी राज्यभरातून शिवसैनिक दादर येथील बाळासाहेबांच्या स्मृतिस्थळी अभिवादन करण्यासाठी येतात. पण कोरोनाच्या पार्श्वभुमीवर राज्य शासन आणि पालिकेतर्फे देखील महत्वाची पाऊलं उचलण्यात आलीयत.

स्मृतीस्थळावर न जाता घरातून, कार्यालयातून बाळासाहेबांना मानवंदना देण्याचं आवाहन उद्धव ठाकरे यांनी केलंय. कोरोनाचे संकट लक्षात घेता गर्दी टाळण्यासाठी स्मृतीस्थळावर जाऊ नका  असे उद्धव ठाकरे यावेळी म्हणाले.