"तुम्ही स्वत:ला सावरा, बाकीची काळजी आम्ही घेऊ", मुख्यमंत्र्यांकडून तळीये दुर्घटनाग्रस्तांना धीर
मुख्यमंत्री उद्धव ठाकरेंनी (cm uddhav Thackeray) तळीये दुर्घटनाग्रस्तांना (Mahad Taliye landslide) सुरक्षित ठिकाणी स्थलांतरित करणार असल्याचं आश्वासन दिलंय.
)
मेघा कुचिक, झी मीडिया, महाड : महाडमध्ये काही दिवसांपूर्वी तळीये गावात (Mahada Taliye landslide) दरड कोसळली. या दुर्घटनेत अनेकांचा दुर्देवी मृत्यू झाला. या घटनेची केंद्र सरकारकडूनही (Central Government) दखल घेण्यात आली. मुख्यमंत्री उद्धव ठाकरे (Cm Uddhav Thackeray Visit Taliye) यांनी घटनास्थळी 2.15 मिनिटांनी भेट दिली. त्यांनी झालेल्या नुकसानाची पाहणी केली. गावकऱ्यांचा सांत्वन केलं. तसेच त्यांनी गावकऱ्यांना धीर देण्याचाही प्रयत्न केला. (Chief Minister Uddhav Thackeray visited the victims of Mahad Taliye landslide)
Maharashtra Chief Minister Uddhav Thackeray visits Taliye village of Mahad, Raigad to review the flood-like situation following incessant rain in the area pic.twitter.com/wW2T0LzHPp
— ANI (@ANI) July 24, 2021
मुख्यमंत्री काय म्हणाले?
तुमच्यावर मोठा प्रसंग कोसळलेला आहे. त्यामुळे तुम्ही स्वत:ला सावरा. बाकी इतर गोष्टी या सरकारवर सोडा. आम्ही तुमचं पुनर्वसन करु. सरकारकडून सर्वांना मदत दिली जाईल. असं आश्वासन देत मुख्यमंत्र्यांनी तळीये गावकऱ्यांचा दिलासा देण्याचा प्रयत्न केला. यावेळेस मुख्यमंत्र्यांसोबत मंत्री एकनाथ शिंदे आणि खासदार सुनिल तटकरेही उपस्थित होते.
मुख्यमंत्री उद्धव बाळासाहेब ठाकरे यांनी महाडमधील तळीये गावास भेट देऊन पाहणी केली. सरकारतर्फे गावकऱ्यांना संपूर्ण नुकसान भरपाई दिली जाईल तसेच त्यांचे पुनर्वसन केले जाईल असे मुख्यमंत्री म्हणाले. गावकऱ्यांनी काळजी करू नये अशा शब्दांत त्यांनी दिलासा दिला. pic.twitter.com/3n3FUmzvEw
— CMO Maharashtra (@CMOMaharashtra) July 24, 2021
सुरक्षितस्थळी पुनर्वसन करणार
दरम्यान यावेळेस मुख्यमंत्र्यांनी तळीये ग्रामस्थाना सुरक्षित ठिकाणी हलवणार असल्याची माहिती दिली. "तळीयेसारख्या डोंगरउतारावर असलेल्या गावांचं सुरक्षित ठिकाणी पुनर्वसन केलं जाईल", असं मुख्यमंत्र्यांनी नमूद केलं.