कैद्याचा १ लाख देऊन तुरुंगात वाढदिवस, पाहा व्हिडिओ
जेलमधला एक व्हिडिओ समोर आलायं. यामध्ये एक कैदी आपला वाढदिवस साजरा करताना दिसतोय.
)
नवी दिल्ली : काही आठवड्यांपुर्वी तुरुंगात मुन्ना बजरंगीच्या हत्येमुळे उत्तर प्रदेश पोलिसांची नाचक्की झाली. या घटनेतुनही युपी पोलिसांनी काही शिकवण घेतली नाही. आता तुरुंगातील कैद्यांसंबधित आणखी एक प्रकरण समोर आलंय. या घटनेमुळे तुरूंगातील पोलीसांच्या चौकशी आणि व्यवस्थेवर प्रश्नचिन्ह उपस्थित केले आहेत. फैजाबादच्या जेलमधला एक व्हिडिओ समोर आलायं. यामध्ये एक कैदी आपला वाढदिवस साजरा करताना दिसतोय आणि त्याच्या वाढदिवसाची सारी तयारी जेलरने केलीयं.
लाखाच्या बदल्यात वाढदिवस
शिवेंद्र सिंह असे या कैद्याचे नाव असून त्याने फैजाबादच्या जेलमध्ये २३ जुलैला आपला वाढदिवस साजरा केला. जेलर विनय कुमारने वाढदिवसाच्या सर्व वस्तू पुरवल्या आणि कर्मचाऱ्यांनी माझा व्हिडिओ बनवल्याचे कैदी शिवेंद्र सिंहने सांगितले. यासाठी माझ्याकडुन १ लाख रुपये घेतल्याचेही त्याने सांगितले.
#WATCH: Prisoner Shivendra Singh celebrates his birthday inside prison in Faizabad on July 23. Singh later said, 'All things were made available to me by Jailor Vinay Kumar. His staff made my video. Rs 1 lakh was taken from me for it. No facilities will be provided from today' pic.twitter.com/4eW1lh4i92
— ANI UP (@ANINewsUP) July 29, 2018
युपी पोलीस बदनाम
युपी पोलिसांच्या कार्यप्रणालीवर प्रश्नचिन्ह उपस्थित होण्याची ही काही पहिली वेळ नाही. याच महिन्यात गॅंगस्टर प्रेम प्रकाश सिंह उर्फ मुन्ना बजरंगीला बागपत जिल्ह्यामध्ये गोळी मारण्यात आली होती. मुन्ना बजरंगीला दुसरा कैदी गॅंगस्टर सुनील राठीने गोळी मारली. सुनील राठीकडे बंदुक कुठुन आली ? हा गंभीर प्रश्न नंतर उपस्थित झाला. याप्रकरणी जेलर, डेप्युटी जेलर, वार्डन आणि हेड वार्डनला तात्काळ निलंबित करण्यात आलं होतं.