leader : बारावी नापास म्हणून रिक्षा चालवली, पण या एका घटनेनं आयपीएस अधिकारी बनवलं

मुंबई : केंद्रीय लोकसेवा आयोगाची परीक्षा ही देशातील सर्वात कठीण परीक्षा मानली जाते आणि दरवर्षी अनेक विद्यार्थ्यांच्या पदरी निराशा येते. नापास झाल्यानंतर अनेक विद्यार्थ्यांचे मनोधैर्य खचते, पण काही असे लोकं असतात जे सर्व प्रकारच्या अडचणींवर मात करून यश मिळवतात. आयपीएस अधिकारी मनोज कुमार शर्मा यांचीही कहाणी अशीच आहे, ज्यांनी अनेक अडचणींचा सामना केला, पण हार मानली नाही.

बारावीत सर्व विषयात नापास

मध्य प्रदेशातील मुरैना येथे राहणारे मनोज कुमार शर्मा सुरुवातीपासूनच सरासरी विद्यार्थी होते आणि त्याने 10वीमध्ये तिसरा ग्रेड मिळवला होता. यानंतर ते 12वीची परीक्षा उत्तीर्ण होऊ शकले नाही आणि हिंदी वगळता इतर सर्व विषयांत नापास झाले. 12वी नापास झाल्यानंतर त्यांनी भावासोबत ऑटो चालवण्याचे काम सुरू केले.

नागरी सेवेत जाण्याचा निर्णय का घेतला?

ऑटो चालवत असताना पोलिसांनी मनोज शर्मा यांचा ऑटो पकडली, त्यामुळे एसडीएसला विचारून ऑटो सोडता येईल असे त्यांना वाटले. यासाठी ते एसडीएमकडे गेले, मात्र त्यांना काही रिसपॉन्स मिळाला नाही. मात्र, त्यांनी एसडीएम होण्याची तयारी कशी करता येईल, असा प्रश्न त्यांना विचारला आणि मग आता मीही तेच करेन, असा निर्धार त्यांनी आपल्या मनात केला.

टेम्पो चालवला आणि भिकाऱ्यांसोबत झोपला

मनोज कुमार शर्माचा पार्टनर अनुराग पाठक याने 'बारावी फेल, हरा वाही जो लडा नही' या पुस्तकात मनोजच्या संघर्षाची कहाणी सांगितली आहे. अभ्यास करताना मनोजने ग्वाल्हेरमध्ये राहण्यासाठी टेम्पोही चालवला. या काळात त्यांची आर्थिक परिस्थिती इतकी बिकट होती की, त्यांच्याकडे राहण्यासाठी घर नव्हते आणि त्यामुळे त्यांना भिकाऱ्यांसोबतही झोपावे लागले.

वाचनालयातील शिपायाचे काम

एक वेळ अशी आली की मनोज शर्मा यांच्याकडे खायलाही पैसे नव्हते, म्हणून त्यांनी लायब्ररीत काम केले. तेथे त्यांनी ग्रंथपाल कम शिपाई म्हणून काम केले. यावेळी त्यांनी अनेक विचारवंतांबद्दल वाचले आणि त्यानंतर त्यांच्या लक्षात आले की, SDM पेक्षा मोठ्या परीक्षेची तयारी करता येते. त्यामुळे त्यांनी मोठी परीक्षा देण्याचा निर्णय घेतला.

मैत्रिणीला सांगितल्यावर - मी जग फिरवीन

मनोज 12 वीत शिकणाऱ्या एका मुलीच्या प्रेमात पडले, पण तो आपले प्रेम व्यक्त करू शकले नाही आणि आपले एकतर्फी प्रेम कुठेतरी संपुष्टात येईल अशी भीती त्यांना वाटत होती. मात्र, शेवटी तू हो म्हण आणि मी सारे जग फिरवीन, असे म्हणत त्याने मुलीला प्रपोज केले. त्यानंतर काही वर्षांनी त्यांनी लग्न देखील केले.

यूपीएससीच्या तयारीदरम्यान, त्यांना त्यांची पत्नी श्रद्धा, जी पूर्वी त्याची गर्लफ्रेंड होती, हिने खूप पाठिंबा दिला. त्यांची पत्नी श्रद्धा देखील भारतीय महसूल सेवेत अधिकारी आहे.

मेहनती आयपीएस अधिकारी

यानंतर मनोज कुमार शर्मा यांनी कठोर परिश्रम करून यूपीएससीची परीक्षा दिली. पहिल्या तीन प्रयत्नात ते अपयशी ठरले, पण त्यांनी हार मानली नाही आणि चौथ्या प्रयत्नात 121 वा क्रमांक मिळवून ते आयपीएस अधिकारी बनले. मनोज शर्मा हे सध्या मुंबई पोलिसांच्या अतिरिक्त आयुक्तपदी कार्यरत आहेत.