ट्रॅफिक पोलिस अटक करु शकतात का? कायदा काय सांगतो जाणून घ्या

मुंबई : तुम्हाला माहिती आहे की जेव्हा कोणी वाहतूक नियमांचे पालन करत नाही, तेव्हा वाहतूक पोलिस त्यांना दंड भरायला लावतात किंवा अनेक प्रकरणांमध्ये पोलिस वाहन जप्त देखील करतात. परंतु, लोकांचा असा विश्वास आहे की, केवळ वाहतूक पोलिस चालानच देऊ शकतात आणि त्यांना कोणालाही अटक करण्याचा अधिकार नाही. अटकेबाबत वाहतूक पोलिसांचे काय अधिकार आहेत ते आम्ही तुम्हाला सांगत आहोत.

जर वाहतुक पोलिसांना अटक करण्याचा अधिकार असेल तर ते कोणत्या परिस्थितीत एखाद्या व्यक्तीला अटक करू शकतात? तर वर्दी घतलेल्या पोलिसांना कोणते अधिकार देण्यात आले आहेत या सगळ्यासंदर्भात आम्ही माहिती देणार आहोत.

वाहतूक पोलीस अटक करू शकतो का?

मोटार वाहन कायद्यानुसार काही कलमांखाली पोलिस हे नागरिकांना गुन्ह्यांसाठी अटक करू शकतात. यासोबतच पोलिसांना कोणत्याही वॉरंटशिवाय अटक करण्याचे अधिकार देण्यात आले आहेत. मोटार वाहन कायद्यात असे लिहिले आहे की, जर एखाद्या व्यक्तीने कलम 184, 185 197 अंतर्गत दंडनीय कृत्य पोलिसांच्या उपस्थितीत केले असेल तर गणवेशातील पोलिस कोणालाही अटक करू शकतात.

तथापि, कलम 185 अन्वये शिक्षापात्र गुन्ह्यासाठी एखाद्याला अटक केली असल्यास, कलम 203 आणि कलम 204 मध्ये नमूद केल्यानुसार पोलिसांनी त्या व्यक्तीची वैद्यकीय तपासणी अटक झाल्यानंतर दोन तासांच्या आत केली पाहिजे अन्यथा आरोपी व्यक्तीला सोडावे लागेल.

वॉरंटशिवाय पोलीस कधी अटक करू शकतात?

गणवेशातील कोणताही पोलीस अधिकारी या परिस्थितीत वॉरंटशिवाय अटक करू शकतो.

- या कायद्यातील तरतुदींनुसार ज्या व्यक्तीने आपले नाव आणि ठावठिकाणा उघड करण्यास नकार दिला असेल किंवा तो चुकीचा आहे असे पोलिसांचे मत आहे, त्याला अटक केली जाऊ शकते.

- या कायद्यांतर्गत गुन्ह्याशी संबंधित असलेली कोणतीही व्यक्ती आणि पोलिसांना असे वाटते की तो फरार होईल किंवा समन्सची सेवा टाळेल, त्याला अटक केली जाऊ शकते.

- तसेच धोकादायक पद्धतीने वाहन चालवणे (कलम 184), ड्रग्जच्या प्रभावाखाली वाहन चालवणे (कलम 185), मालकाच्या संमतीशिवाय किंवा कायदेशीर अधिकाराशिवाय वाहन चालवणे (कलम 197), त्याचे नाव आणि पत्ता उघड करण्यास नकार देणे, असू शकते फरार होण्याच्या भीतीने अटक.