या कंपनीच्या 500 कर्मचाऱ्यांचे नशीब फळफळले; झाले करोडपती, जाणून घ्या कसे ते

मुंबई : Freshworks IPO: बिझनेस सॉफ्टवेअर फर्म फ्रेशवर्क्स इंक  (Freshworks Inc) चेन्नई आणि सिलिकॉन व्हॅली आधारित कंपनीचे नॅस्डॅक (Nasdaq) यांनी बुधवारी अमेरिकन एक्सचेंज नॅसडॅकवर जोरदार एंट्री केली. या कंपनीत काम करणारे 500 हून अधिक कर्मचारी करोडपती झाले आहेत. यापैकी 70 लोकांचे वय 30 वर्षांपेक्षा कमी आहे. NASDAQ वर सूचीबद्ध होणारी ही भारतातील पहिली सॉफ्टवेअर एज सर्व्हिस (SaaS) आणि युनिकॉर्न कंपनी आहे. गिरीश मातृभूतम (Girish Mathrubhootam) यांच्या या कंपनीमध्ये 4000 हून अधिक कर्मचारी काम करतात.

NASDAQ इंडेक्समध्ये झाली एंट्री

फ्रेशवर्क्स इंकने (Freshworks Inc) बुधवारी अमेरिकन एक्सचेंज नॅसडॅकवर जोरदार प्रवेश केला. या लिस्टिंगमुळे 500 कर्मचारी कोट्यधीश झाले आहेत, तसा दावा  कंपनीच्या सीईओने केला आहे. कंपनीचा स्टॉक  36 डॉलरवर सूचीबद्ध आहे. त्याच्या इश्यू किमतीपेक्षा 21 टक्क्यांनी जास्त आहे. यासह, कंपनीचे मार्केट कॅप 12 अब्ज डॉलरवर पोहोचले आहे.

मिळालेल्या माहितीनुसार, कंपनीच्या शेअरने नॅस्डॅक इंडेक्सवर इश्यू प्राइसच्या किंमतीपेक्षा 21 टक्क्यांनी वाढले आहे. यासह, कंपनीचे मार्केट कॅप 12 अब्ज डॉलर डॉलरवर पोहोचले. आज 76 टक्के कर्मचाऱ्यांकडे फ्रेशवर्क्समध्ये शेअर्स आहेत. फ्रेशवर्क्सचे मुख्य कार्यकारी अधिकारी मातृभूतम (Girish Mathrubhootam) लिस्टिंगद्वारे कर्मचाऱ्यांसाठी पैसे कमवण्याविषयी म्हणाले, "मला खरोखर आनंद आणि अभिमान आहे. कंपनीच्या या कामगिरीमुळे मी खूप आनंदी आहे. हा आयपीओ मला आतापर्यंत संधी देतो की फ्रेशवर्क्सच्या सर्व कर्मचाऱ्यांप्रती माझी जबाबदारी व्यक्त करतो ज्यांनी आमच्यावर विश्वास ठेवला आहे आणि गेल्या दहा वर्षांमध्ये फ्रेशवर्क्समध्ये योगदान दिले आहे.

कर्मचाऱ्यांच्या मेहनतीमुळे हे शक्य झाले

कोट्यवधी झालेल्या कर्मचाऱ्यांविषयी मातृभूतम म्हणाले की, भारतात अशा आणखी गोष्टी करण्याची गरज आहे. कर्मचाऱ्यांच्या मेहनतीमुळे हे शक्य झाले आहे, ते यासाठी पात्र आहेत. कंपनी जसजशी वाढत गेली तसतसे या सर्व कर्मचाऱ्यांनी त्यात योगदान दिले. माझा असा विश्वास आहे की कंपनीचा हा महसूल ज्या लोकांनी तयार केला आहे त्यांच्याबरोबर शेअर केला पाहिजे. केवळ कंपनीचे मालक श्रीमंत असणे किंवा गुंतवणूकदारांचे श्रीमंत असणे हे नाही. मला आनंद आहे की आम्ही एक नवीन प्रयोग केला आहे आणि आम्ही तो चालू ठेवू.

FRSH on the nasdaq Freshworks IPO NASDAQ pic.twitter.com/eNcMlcFxaN

— Freshworks Inc FreshworksInc September 22, 2021

76 टक्के कर्चचाऱ्यांचे आहेत शेअर

मातृबूथम म्हणाले की, 'आम्ही हा प्रवास सुरूच ठेवणार आहोत, कंपनीसाठी अनेक कर्मचाऱ्यांचे आणि आमच्या मिशनवर विश्वास ठेवणाऱ्या लोकांचे जीवन बदलण्याची अजून मोठी संधी आहे. मला माहीत आहे की फ्रेशवर्क्स इंकचे (Freshworks Inc) सुरुवातीचे दिवस आहेत, परंतु आम्ही पुढे जात राहू. फ्रेशवर्क्सची सुरुवात 2010 मध्ये चेन्नईमध्ये झाली. त्याचे 120 पेक्षा जास्त देशांमध्ये ग्राहक आहेत आणि याचे सर्व राजस्व अमेरिकेच्या मान्यतेने प्राप्त आहे. ही एक आयटी कंपनी आहे. कंपनीच्या 76 टक्के कर्मचाऱ्यांचे फर्ममध्ये शेअर्स आहेत.