सेव्हिंग बँक खातं सक्रिय ठेवण्यासाठी करा हे काम, अन्यथा व्यवहार होईल ठप्प

Saving Account: देशातील जवळपास सर्व लोकांचं बँकेत बचत खातं आहे. असं असलं तरी अनेक खाती निष्क्रिय आहेत. खातेदारांनी बराच काळ कोणताही व्यवहार न केल्याने ही खाती निष्क्रिय झाली आहेत. बँकिंग नियमांनुसार, कोणत्याही बचत खातेधारकाने खात्यातून वेळोवेळी व्यवहार करणे आवश्यक आहे. अन्यथा खाते निष्क्रिय होते. आम्ही काही महत्त्वाच्या गोष्टी सांगणार आहोत ज्यामुळे खाते सक्रिय ठेवण्यास मदत होईल.

• तुम्ही तुमच्या बचत खात्याशी जोडलेल्या डेबिट कार्डद्वारे खात्यातून पैसे काढले किंवा जमा केले, तर ते तुमच्याद्वारे केलेल्या व्यवहारात गणले जाते. हे केल्यानंतरही तुमचे खाते सक्रिय राहते.
• तुमच्या खात्यातून धनादेशाद्वारे पैसे जमा केले किंवा काढले, तर ते व्यवहारात गणले जाते आणि तुमचे खाते सक्रिय राहते. बचत खातेधारकाने काही ना काही व्यवहार करणे आवश्यक आहे.
• तुम्ही इंटरनेट बँकिंगद्वारे मनी ट्रान्सफर, बिल पेमेंट किंवा इतर कोणतेही पेमेंट यांसारखे कोणतेही व्यवहार केले तरी तुमचे बचत खाते सक्रिय राहते.
• तुम्ही बिल पेमेंट, प्रीमियम पेमेंट किंवा बचत खात्याद्वारे इतर कोणतेही पेमेंट केले तरीही तुमचे खाते सक्रिय राहते. खात्यात किमान शिल्लक राखणे आवश्यक आहे हे देखील लक्षात ठेवा.
• तुमचे बचत खाते निष्क्रिय केले असल्यास, तुम्ही ते पुन्हा सक्रिय करू शकता. खातं पुन्हा सक्रिय करण्यासाठी, तुम्हाला शाखेत जाऊन अर्ज करावा लागेल आणि बँकेच्या नियमांनुसार तुम्हाला दंडही भरावा लागेल.