Blood Pressure : हा 'इलेक्ट्रॉनिक टॅटू' सांगेल तुमचा रक्तदाब, जाणून घ्या कसा काम करतो

cuffless blood pressure technology : जगभरात लाखो लोक उच्च रक्तदाबाला (High blood pressure) बळी पडत आहेत. विचित्र जीवनशैली आणि अव्यवस्थित खाण्याच्या सवयी याला मोठ्या प्रमाणात जबाबदार आहेत. ज्या लोकांना उच्च रक्तदाबाचा त्रास होतो त्यांना नियमितपणे त्यांचे बीपी तपासावे लागते.

अशावेळी रक्तताबाने त्रस्त असलेले अनेकजण स्वत:च्या घरात एक डिजिटल मशीन सोबत ठेवता. जे काहीवेळा समस्यांचे कारण बनते. परंतु आता घाबरण्याची गरज नाही. यासाठी शास्त्रज्ञांनी नवा मार्ग तयार केला आहे.

रक्तदाब टॅटूचा शोध

अमेरिकेतील ऑस्टिन शहरातील टेक्सास विद्यापीठ आणि टेक्सास ए अँड एम विद्यापीठातील शास्त्रज्ञांनी टॅटू डिझाइन केले आहेत. हे 300 मिनिटांपर्यंत अचूक रक्तदाब रीडिंग देऊ शकते.

टेक्सास ए अँड एम विद्यापीठातील बायोमेडिकल अभियांत्रिकी, संगणक विज्ञान आणि इलेक्ट्रिकल अभियांत्रिकीचे प्राध्यापक रुझबेह जाफरी यांनी याला कफलेस ब्लड प्रेशर तंत्रज्ञान असे नाव दिले आहे.

पुन्हा पुन्हा बीपी मोजण्याचे टेन्शन संपले

प्रोफेसर रुजबेह जाफरी आणि त्यांच्या टीमने या ई-टॅटूचा शोध लावला आहे. त्याच्या मदतीने, आपल्याला रक्तदाब पुन्हा पुन्हा मोजण्याची गरज नाही. याच्या मदतीने तुम्ही प्रत्येक वेळी बीपीचे निरीक्षण करू शकता. मग तुम्ही झोपेत असाल, खात असाल, चालत असाल किंवा व्यायाम करत असाल. या टॅटूचा सेन्सर इतका हलका आहे की तो शरीरावर लावल्यावर वजनही कळत नाही.

वाचा : कार, दुचाकी चालवत असाल तर तुमच्यासाठी महत्त्वाची बातमी!

च्युइंगम टॅटू लक्षात राहील

तुम्ही लहानपणी हातावर किंवा शरीराच्या काही भागावर च्युइंग गम टॅटू लावले असतील. हे टॅटू देखील आपल्या त्वचेला त्याच प्रकारे चिकटतात. हे ग्राफीनपासून बनलेले असतात आणि 24 तास वापरले जातात. त्वचेत विद्युत प्रवाह शूट करताना ते बीपी वाचतात. तुम्ही आंघोळ करतानाही याचा वापर करू शकता कारण हा टॅटू वॉटरप्रूफ करण्यात आला आहे. वैज्ञानिक भाषेबद्दल बोलायचे झाल्यास, या तंत्राला बायोइम्पेडन्स म्हणतात.

हा टॅटू बाजारात कधी येणार?

रुजबेह जाफरी यांची टीम त्यांच्या ई-टॅटूच्या दुसऱ्या पिढीवर काम करत आहे. जे पुढील 5 वर्षांत बाजारात येण्याची अपेक्षा आहे. डेटा हस्तांतरित करण्यासाठी आणि पॉवर करण्यासाठी ब्लूटूथ तंत्रज्ञान आणि निअर-फील्ड कम्युनिकेशन (NFC) वापरणारे स्मार्टवॉच आणि फोन यांच्याशी ते लहान आणि सुसंगत असेल अशी त्यांची कल्पना आहे. या अद्ययावतांसह, सतत रक्तदाब निरीक्षणासाठी ई-टॅटू क्लिनिकल चाचण्यांसाठी तयार होतील आणि त्यानंतर लवकरच सामान्य लोक वापरु शकतील.