बबितासोबत अफेअरच्या चर्चांनंतर टप्पूचा मोठा निर्णय, शो सोडणार?

मुंबई : 'तारक मेहता का उल्टा चष्मा' हा लोकप्रिय टीव्ही शो प्रेक्षकांना खूप आवडतो. शोमधील सर्वच व्यक्तिरेखा प्रेक्षकांच्या पसंतीस उतरल्या आहेत. मात्र, गेल्या काही काळापासून हा शो त्यांच्या कलाकारांबद्दल खूप चर्चेत आहे.

अनेक जुन्या पात्रांनी शो सोडला असून आता या शोमधील एका महत्त्वाच्या व्यक्तिरेखेच्या जाण्याच्या बातम्याही समोर येत आहेत. टप्पूची भूमिका साकारणारा राज अनडकट हा शो ब्रेक करणार आहे.

राज अनेक दिवसांपासून शो सोडण्याच्या तयारीत होता. याबाबत त्यांनी प्रॉडक्शन हाऊसशीही चर्चा केली. मात्र, अद्याप या प्रकरणाचा निकाल लागलेला नाही.

राज यांच्या कराराचे नूतनीकरण होणार असून आता अभिनेता आणि प्रॉडक्शन हाऊसने या कराराचा पाठपुरावा न करण्याचा निर्णय घेतल्याचे वृत्त आहे.दोघांमध्ये संवाद झाला. यानंतर शोमधून बाहेर पडण्याचा निर्णय घेण्यात आला.

ख्रिसमसपूर्वी राज त्याचे शूटिंग पूर्ण करणार असल्याचीही बातमी आहे. त्याचवेळी शोचे निर्माते असित मोदी यांनी याबाबत सांगितले की, मला याबाबत माहिती नाही.

 बबितामुळे सोडतोय शो?

तसे, राजच्या शो सोडण्यामागे बबिता जी कारणीभूत असल्याचेही बोलले जात आहे. काही दिवसांपासून बबिता जी अर्थात मुनमुन दत्ता आणि राज यांच्या अफेअरच्या अनेक बातम्या येत होत्या.

दोघे रिलेशनशिपमध्ये असल्याचे बोलले जात होते. मात्र, या चर्चांनंतर राज आणि मुनमुन या दोघांनीही आपली प्रतिक्रिया दिली होती. या दोघांनी हे वृत्त चुकीचे असल्याचे सांगत अशा अफवा पसरवणाऱ्यांना सडेतोड उत्तर दिले.

राजच्या शो सोडण्यामागचे कारण अद्याप गुलदस्त्यात आहे.