शुटिंग दरम्यान कार्तिक आर्यनची तब्बेत बिघडली, डॉ, म्हणतायेत विश्रांतीची गरज

मुंबई : बॉलिवूड अभिनेता कार्तिक आर्यन सध्या त्याच्या चित्रपटांमध्ये खूप व्यस्त आहे. त्याच्याकडे सध्या अनेक प्रोजेक्ट आहेत ज्यावर तो सध्या काम करत आहे. पण सततच्या कामामुळे अभिनेत्याचा आवाज हरवला आहे. होय, अभिनेत्याच्या चित्रपटाच्या शूटिंग दरम्यान आवाजच गेला आहे.

कार्तिकचा गेला आवाज 
आजकाल कार्तिक आर्यन त्याच्या आगामी 'भूल भुलैया 2' या चित्रपटाच्या शूटिंगमध्ये व्यस्त आहे. 2019मध्ये शूटिंग सुरू झाल्यानंतर, कोरोना व्हायरसमुळे या सिनेमाचं शुटिंग बराच काळ थांबला होतं. आता चित्रपटाचं शूटिंग पूर्ण होणार आहे. आजकाल या चित्रपटाचा क्लायमॅक्स सीन शूट केला जात आहे. एका बातमीनुसार, कार्तिक आर्यन आणि तब्बू या सीनमध्ये समोरासमोर दिसणार आहेत. बातमीनुसार, भूल भूलैया 2च्या क्लायमॅक्स सीनच्या शूटिंग दरम्यान, कार्तिक आर्यनचा आवाज त्याच्या घशातून बाहेर पडणं बंद झालं आहे. असं म्हटलं जात आहे की, चित्रपटाचा क्लायमॅक्स सीन ड्रामा आणि अॅक्शनने परिपूर्ण आहे. अशा परिस्थितीत, या विशिष्ट सीनमध्ये कार्तिकला खूप किंचाळावं लागतं खूप ओरडावं लागतं.

विश्रांतीची गरज आहे
कार्तिक आर्यन या चित्रपटात एका तांत्रिकच्या भूमिकेत दिसणार आहे. अशा परिस्थितीत असे म्हटले जात आहे की जेव्हा कार्तिकला या दृश्यात किंचाळावे लागले तेव्हा त्याचा आवाज अचानक निघून गेला. यानंतर चित्रपटाची संपूर्ण टीम हे पाहून भयभीत झाली. असे म्हटले जात आहे की कार्तिकची ही अवस्था पाहून निर्मात्यांनी तातडीने डॉक्टरांना बोलावले. असे सांगितलं जात आहे की, डॉक्टरांनी सांगितलं आहे की अभिनेत्याला विश्रांतीची गरज आहे. सतत ओरडण्यामुळे त्याच्या बोलण्याच्या दोर खराब होऊ शकतात.

कार्तिक आर्यन चित्रपट
भूल भूलैया 2मध्ये कार्तिक आर्यन आणि तब्बू व्यतिरिक्त कियारा आडवाणी, राजपाल यादव आणि संजय मिश्रा मुख्य भूमिकेत दिसणार आहेत. या चित्रपटाच्या पहिल्या भागात अक्षय कुमार, विद्या बालन, सैनी आहुजा मुख्य भूमिकेत दिसले होते. अशा परिस्थितीत प्रत्येकाला कार्तिककडून मोठ्या आशा आहेत. या चित्रपटाव्यतिरिक्त कार्तिक आर्यन एकता कपूरच्या 'फ्रेडी' या सिनेमात अलया फर्निचरवालासोबत दिसणार आहे. याचबरोबर कार्तिकचा 'धमका' हा चित्रपटही प्रदर्शनासाठी सज्ज आहे.