'जय भीम' सिनेमाच्या दिग्दर्शकाने वन्नियार समाजाची 'या' कारणामुळे मागितली माफी

मुंबई : 'जय भीम' (Jai Bhim ) सिनेमावरून सुरू असलेल्या वादाच्या पार्श्वभूमीवर चित्रपटाच्या दिग्दर्शकाने एक निवेदन जारी केले आहे. दिग्दर्शक टीजे ग्यानवेल ( TJ Gnanavel) यांनी पट्टाली मक्कल काची (पीएमके) च्या सदस्यांनी केलेल्या आरोपांवर निवेदन जाहिर केले आहे.  चित्रपटातील काही दृश्ये वन्नियार समुदायाच्या विरोधात आहेत. टीजे म्हणाले की, कोणत्याही विशिष्ट समुदायाची बदनामी करण्याचा त्यांचा हेतू नव्हता. तसेच या वादासाठी सूर्याला जबाबदार धरणे पूर्णपणे अयोग्य असल्याचेही ते म्हणाले.

ஜெய் பீம் படத்தின் இயக்குனர் தா.செ.ஞானவேல் வருத்தம்
தெரிவித்துக்கொண்டார்…#JaiBhim Dir @tjgnan expresses regret.. pic.twitter.com/PpcUsRaWi3

— Ramesh Bala (@rameshlaus) November 21, 2021

TRENDING NOW

news

सुरिया, लिजोमोल जोस आणि मणिकंदन स्टारर 'जय भीम'चा प्रीमियर 2 नोव्हेंबर रोजी Amazon Prime Video वर झाला. रिलीज झाल्यापासून हा चित्रपट अनेक वादात सापडला आहे. वन्नियार संगमने सुरिया, ज्योतिका, टीजे ज्ञानवेल आणि ऍमेझॉन प्राइम व्हिडिओला समुदायाची बदनामी केल्याबद्दल कायदेशीर नोटीस पाठवली आहे.

कॅलेंडरवरून वाद पेटला

चित्रपटाच्या पार्श्वभूमीवर 'अग्नी कुंडम'चे चित्र असलेले कॅलेंडर दिसते. योगायोगाने, अग्नि कुंडम हे वन्नियार संगम आणि समुदायाचे प्रतिनिधित्व करणारे प्रतीक आहे. टीजे ज्ञानवेलने आपल्या निवेदनात लिहिले आहे की, ओटीटी रिलीजपूर्वी चित्रपट पाहणाऱ्या कोणीही कॅलेंडरकडे लक्ष दिले नाही. आमच्या लक्षात आले असते तर चित्रपट प्रदर्शित होण्यापूर्वी आम्ही ते काढून टाकले असते. 1 नोव्हेंबरला चित्रपट प्रदर्शित झाला तेव्हा अनेकांनी कॅलेंडरकडे लक्ष वेधले. वाद सुरू होण्याआधीच आम्ही बोधचिन्ह आणि कॅलेंडर काढून टाकण्याचे प्रयत्न सुरू केले.

मला वाटले की जेव्हा आपण बदल करू तेव्हा लोकांना आपला हेतू समजेल. दिग्दर्शक म्हणून मी जबाबदारी घेतली पाहिजे. सूर्याला या वादाची जबाबदारी घेण्यास सांगणे अयोग्य आहे. यावर प्रकाश टाकण्यासाठी सुर्याने निर्माता आणि अभिनेता म्हणून भूमिका घेतली. आदिवासी समाजाचे प्रश्न सोडवले. जे काही घडले त्याबद्दल मला त्याची माफी मागायची आहे."

त्यांनी पुढे लिहिले की, "जय भीम कोणत्याही विशिष्ट व्यक्तीला किंवा कोणत्याही समुदायाला लक्ष्य करत नाही किंवा त्यांना लाजवत नाही. मी नाराज झालेल्या लोकांची माफी मागू इच्छितो. चित्रपट बिरादरी, राजकीय संस्था, सामाजिक कार्यकर्ते, मीडिया आणि इतर अनेक सदस्यांना माझे मनःपूर्वक शुभेच्छा.