'चीज लई कडक' गौतमी पाटीलचं नवं गाणं; पाहा व्हिडीओ
'सबसे कातिल गौतमी पाटील' असं म्हटलं की, आपल्या डोळ्यासमोर उभी राहते गौतमी पाटीलची ठसकेबाज लावणी. आपल्या डान्सने प्रेक्षकांना भुरळ घालणारी गौतमीचा चाहता वर्ग खूप मोठा आहे. चाहत्यांच्या संपर्कात राहण्यासाठी गौतमी नेहमीच तिच्या सोशल मीडियावर सक्रिय असते.
)
मुंबई : 'सबसे कातिल गौतमी पाटील' असं म्हटलं की, आपल्या डोळ्यासमोर उभी राहते गौतमी पाटीलची ठसकेबाज लावणी. आपल्या डान्सने प्रेक्षकांना भुरळ घालणारी गौतमीचा चाहता वर्ग खूप मोठा आहे. चाहत्यांच्या संपर्कात राहण्यासाठी गौतमी नेहमीच तिच्या सोशल मीडियावर सक्रिय असते. तिने एखादी पोस्ट सोशल मीडियावर शेअर करताच ती पोस्ट व्हायरल होवू लागते. नुकतीच गौतमीने तिच्या इन्स्टाग्रामवर एक पोस्ट शेअर करत तिच्या चाहत्यांना आनंदाची बातमी दिली आहे. गौतमीचं नवं गाणं प्रेक्षकांच्या भेटीला आलं आहे.
सोशल मीडियाच्या माध्यमातून नेहमीच गौतमी तिच्या चाहत्यांच्या संपर्कात असते. जितकी चर्चेत ती तिच्या पर्सनल आयुष्यामुळे असते तितकीच ती चर्चेत तिच्या प्रोफेशनल आयुष्यामुळे असते. जरी तिचा चाहता वर्ग खूप मोठा असला तरी अनेकदा ती वादाच्या भोवऱ्यातही अडकताना दिसते तर कधी ती ट्रोल होताना दिसते. मात्र नुकतंच रिलीज झालेल्या गाण्याला प्रेक्षकांनी डोक्यावर घेतलं आहे.
ठसकेबाज गाण्यांवर प्रेक्षकांना ठेका धरायला लावणाऱ्या गौतमी पाटीलने अवघ्या महाराष्ट्राला वेड लावलं आहे. मात्र आता गौतमी पाटील 'इश्काचा मौका आणि झाला नजरेचा धोका... आता कसं व्हायचं पावन, चीझ मी लई कडक' म्हणत आहे. सप्तसूर म्युझिकच्या नव्याकोऱ्या गाण्यात गौतमी पाटील झळकली असून या गाण्याचा म्युझिक व्हिडिओ सप्तसूर म्युझिकच्या यूट्यूब चॅनलवर लाँच करण्यात आला आहे.
सप्तसूर म्युझिकच्या साईनाथ राजाध्यक्ष, बीना राजाध्यक्ष यांनी चीझ लई कडक या म्युझिक व्हिडिओची निर्मिती केली आहे. विकी वाघ यांनी गीतलेखन आणि संगीत दिग्दर्शन केलेलं हे गाणं वैशाली सामंत यांनी गायलं आहे. तर या गाण्यात गौतमी पाटीलसह कुणाल पाटील, कुणाल मासले, मनोज कुंभार, आदम शेख यांनी भूमिका केली आहे. अतिशय धमाल शब्द, ठेका धरायला लावणारी उडती चाल असल्याने हे गाणं नक्कीच प्रेक्षकांची दाद मिळवणार यात काहीच शंका नाही.
चीझ लई कडक या गाण्यात एक गोष्ट सांगण्यात आली आहे. गुंडांच्या अड्ड्यावर होणाऱ्या या गाण्यात गौतमी पाटील नेमक काय करते हे जाणून घेण्यासाठी हा म्युझिक व्हिडिओ पूर्ण पाहणं गरजेचं आहे. मात्र चीझ लई कडक हे गाणं प्रेक्षकांना वेड लावणार आयटम साँग ऑफ द ईअर ठरणार आहे. काही दिवसांपुर्वी गौतमीचा घुंगरु हा सिनेमा प्रेक्षकांच्या भेटीला आला होता.