भडकलेल्या बिग बींची कुमार विश्वासना कायदेशीर नोटीस

मुंबई : बिग बी अमिताभ बच्चन यांनी कवी आणि आपचे नेते कुमार विश्वास यांना कायदेशीर नोटीस पाठवली आहे. बिग बींचे वडिल हरिवंशराय बच्चन यांची 'नीड़ का निर्माण' या कवितेचा व्हिडिओ कुमार विश्वास यांनी युट्यूबवर अपलोड केला. यानंतर कुमार विश्वास यांनी कॉपीराईटचा भंग केल्याचा आरोप करत बिग बींनी कायदेशीर नोटीस पाठवली. याबाबतचं ट्विटही अमिताभ बच्चन यांनी केलं आहे.

अमिताभ बच्चन यांच्या या भूमिकेमुळे कुमार विश्वास यांनी तो व्हिडिओ युट्यूबवरून डिलीट केल्याचं ट्विट केलं, तसंच सगळ्या कवींच्या कुटुंबियांनी कवितेचं कौतूक केलं, फक्त अमिताभ बच्चन यांनी कायदेशीर नोटीस पाठवली. या कवितेतून झालेली ३२ रुपयांची कमाईही बिग बींना पाठवत आहे, असंही विश्वास या ट्विटमध्ये म्हणाले.

Rcvd appreciation frm all poet's family but Notice frm you Sir.Deleting the Tribute video to Babuji.Sending earned Rs 32 as demanded.Pranam https://t.co/wzq22TZnzf

TRENDING NOW

news

— Dr Kumar Vishvas (@DrKumarVishwas) July 12, 2017

अमिताभ बच्चन आणि कुमार विश्वास यांच्यामधलं हे ट्विटर युद्ध एवढ्यावरच थांबलं नाही. डोकं हे एक अॅप आहे, असं आपल्यातल्या काही लोकांना सांगितलं तर ते डोक्याचा वापर करतील, असं ट्विट अमिताभ बच्चन यांनी केलं. या ट्विटमध्ये त्यांनी कोणाचंही नाव घेतलेलं नसलं तरी त्यांचा निशाणा कुमार विश्वास यांच्यावर असल्याचं बोललं जात आहे. 

T 2483 -
हो सकता है की अगर हम कुछ लोगों से ये कह सकें की 'दिमाग़' एक App ., है , तो शयद वो उसका इस्तेमाल, उपयोग करना शुरू करदें pic.twitter.com/VLpT6Dom8e

— Amitabh Bachchan (@SrBachchan) July 12, 2017

याच कवितेवरून बिग बींनी पाठवली नोटीस

T1738- @SrBachchan Need Ka Nirman~ #HRB !! Listen in melodious voice of @DrKumarVishwas #Tarpan4 !! https://t.co/eV9YefwwoK RT if u love it pic.twitter.com/rcFMLAmZLm

— Amitabh Bachchan FC (@Thekkapoor) July 8, 2017