चित्रपटाची नायिका होऊ शकत नाही याची जाणीव करुन दिल्यावर...; ऋतुजा बागवेने मनाला भिडणारी पोस्ट.

मनोरंजन विश्वात कलाकारांना अनेक कारणामुळे मिळणारा कमीपण याबद्दल आपण अनेक गोष्टी ऐकल्या आहेत. यामधून कलाकारानं आलेलं नैराश्य, त्यातून घडलेल्या चुकीच्या घटना या आपल्याला माहीतच आहेत. 
एखाद्याला अभिनेत्याला किंवा अभिनेत्रीला तिच्या दिसण्यावरून मिळणार दुजाभाव हा काही नवीन मुद्दा नाही. आजवर अनेक अभिनेत्री, अभिनेत्यांना त्यांच्या रंगावरून- रुपावरुन ट्रोल केलं जात.  इतकंच नाही तरी अनेकांना त्यांच्या कामापासून मुकावं लागलं आहे. असच काहीस एका मराठी अभिनेत्रीसोबत घडलं आहे. तिच्या सहज सुंदर अभिनयाने  मराठी मालिका विश्व गाजवणारी अभिनेत्री ऋतुजा बागवे. छोट्या पडद्यावर नाव कमवून तसंच नाट्यसृष्टीतही आपल्या अभिनयाने प्रेक्षकांची मनं जिंकणारी अभिनेत्री ऋतुजा बागवेला धक्कादायक अनुभव आला. नाटक, मालिकांनंतर ऋतुजा आता मोठ्या पडद्यावर झळकत आहे. जालिंदर कुंभार दिगदर्शित बहुचर्चित मराठी सिनेमा 'लंडन मिसळ' मध्ये तिने प्रमुख भूमिका साकारली आहे. 
नुकत्याच एका मुलाखतीतून तिने दुजाभाव झाल्याचं सांगितलं. सुंदर दिसत नसल्यामुळे तिला एका चित्रपटासाठी नाकार देण्यात आल्याचं तिने सांगितलं. सोशल मीडियावर कायम सक्रिय असलेली ऋतुजा तिच्या फॅशन सेन्समुळे तसंच तिच्या रिल्समुळे नेहमी चर्चेत असते. लंडन मिसळ या चित्रपट तिच्यासाठी खूप खास आहे. बहुधा चित्रपट म्हटल कि त्यात एक नायक आणि नायिका आपल्या डोळ्या समोर उभी राहतात. पण लंडन मिसळ हा चित्रपट अपवाद आहे. अभिनेत्री ऋतुजा बागवेने सोशल मीडियावर एक पोस्ट शेअर केली आहे. त्यात ती म्हणाली कि 'लंडन मिसळ' नायिका/नायक म्हणून माझा पहिला चित्रपट. या चित्रपटात ऋतुजा दुहेरी भूमिकेतून प्रेक्षकांच्या भेटीला येणार आहे. 
चित्रपट पाहिल्यानंतर ऋतूजाने सोशल मीडियावर एक पोस्ट शेअर केली. त्यात ती म्हणाली की 'स्वतःला प्रमुख भूमिकेत मोठ्या पद्द्यावर पाहिलं . rejection ला मी घाबरत नाही ना मनाला लावून घेते. पण एक rejection माझ्या मनाला खूप लागलला होता आणि मग त्यानंतर मनात self doubt निर्माण झाला. आपण चित्रपटात प्रमुख भूमिका साकारण्यास सक्षम नाही आहोत का ??
खरंतर माझं हे स्वप्न नव्हतंच कधी पण 'आपण चित्रपटाची heroin होऊ शकत नाही' ह्याची जाणीव करुन दिल्यावर मात्र माझ्या स्वभावानुसार मनात आलं आता हे करायलाच हवं.'  तिने ठरवलं आणि आज लंडन मिसळ या चित्रपटातून तिने अभिनेत्री नाही तर अभिनेता अशा दुहेरी भूमिकेतून नकार देणाऱ्याला सडेतोड उत्तर दिलं आहे. 
ऋतुजाने झी मराठीवरील नांदा सौख्यभरे या मालिकेत प्रमुख भूमिका साकारून प्रेक्षकांच्या मनात  घर निर्माण केलं होतं.