बोटमध्ये चप्पल घालून गेल्याने अभिनेत्रीला अटक

मुंबई : मल्याळम टीव्ही सीरियल अभिनेत्री निमिषा, मंदिरातील विधींचे उल्लंघन केल्याच्या चौकशीला सामोरे जात असताना, ती केरळमध्ये पारंपारिक बोटीवर शूज घालून चढल्यानंतर तिला अटक करण्यात आली आहे. शनिवारी निमिशाला अटक करण्यात आली आणि तिची बाजू नोंदवण्यात आली आहे. या प्रकरणाची माहिती पोलिसांनी दिली आहे. निमिषा आणि तिचा मित्र फोटोग्राफरचे बयान नोंदवण्यात आले आहे, असे पोलिसांनी सांगितले. मात्र, नंतर दोघांची पोलिस ठाण्यात जामिनावर सुटका करण्यात आली.

पोलिसांनी सांगितले, "यापूर्वी आम्ही गुन्हा दाखल केला होता. आम्ही तिला पोलीस ठाण्यात बोलावून अटक केली. बयान नोंदवल्यानंतर त्यांची पोलीस ठाण्यात जामिनावर सुटका करण्यात आली.  निमिषाने पोलीस ठाण्यात तक्रारही दाखल केली होती. या तक्रारीमध्ये निमिषाने फोन आणि सोशल मीडिया प्लॅटफॉर्मद्वारे तिला अज्ञात लोकांकडून दिल्या जाणाऱ्या शिवीगाळ आणि धमकीचा उल्लेख केला होता.

नक्की काय आहे प्रकरण?
निमिषा तिच्या काही मित्रांसह प्रसिद्ध अरनमुला मंदिराच्या पल्लियोदमात फिरायला गेली होती. या दरम्यान, तिने तेथे उपस्थित असलेल्या धार्मिक बोटीत फोटो काढले, तेही चप्पल घालून. हे फोटो त्याच्या सोशल मीडिया हँडलवर शेअर केले, त्यानंतर वाद निर्माण झाला. लोकांनी सोशल मीडियावर निमिशाला शिव्या द्यायला सुरू केले, त्यानंतर अभिनेत्रीने ते फोटो सोशल मीडियावरून काढून टाकले.