सोशल मीडियावर ३ फुटी रितेशचे डायलॉग व्हायरल

मुंबई : सिद्धार्थ मल्होत्रा आणि तारा सुतारिया स्टारर बहुचर्चित 'मरजावां' चित्रपटातील ४ डायलॉग प्रोमो व्हिडिओ प्रदर्शित करण्यात आले आहेत. चित्रपटात रितेश एका ३ फुट असलेल्या व्यक्तीची भूमिका साकारताना पाहायला मिळणार आहे. चित्रपटात त्याची उंची जरी छोटी दाखवण्यात आली असली तरी डायलॉगच्या बाबतीत तो अतिशय जबरदस्त भूमिकेतून प्रेक्षकांच्या भेटीला येणार आहे. 

टी-सीरीजद्वारा या चित्रपटाचे प्रदर्शित करण्यात आलेले ४ डायलॉग प्रोमो आता सोशल मीडिया जबरदस्त व्हायरल होत आहेत. ज्यात २ डायलॉग सिद्धार्थचे तर २ डायलॉग रितेशचे आहेत.

'मरजावां'मधून सिद्धार्थ आणि तारा पहिल्यांदाच एकत्र काम करत आहेत. तर रितेशही खलनायकाची भूमिका जबरदस्त साकारताना दिसतोय. चित्रपटात रकुल प्रीत सिंहदेखील प्रमुख भूमिकेतून दिसणार आहे.

मिलाप जावेरी यांनी चित्रपटाचं दिग्दर्शन केलं असून येत्या ८ नोव्हेंबर रोजी 'मरजावां' चित्रपटगृहात प्रदर्शित होणार आहे.