साहेबांवरही चालली २.० ची जादू, जाणून घ्या आतापर्यंतची कमाई

मुंबई : सुपरस्टार रजनीकांत आणि अक्षय कुमार यांच्या सिनेमाने 2.0 ने चांगलीच पकड धरली आहे. 29 नोव्हेंबरला बॉक्स ऑफिसवर रिलीज झालेला हा सिनेमा धुमाकूळ घालत आहे. सायन्स फिक्शनवर आधारित हा सिनेमा सगळ्या वयातील प्रेक्षकांनी पसंत केला होता. 

दिग्दर्शन शंकर या सिनेमाने 4 दिवसांत 400 करोड रुपये वर्ल्डवाइड कलेक्शन केलं आहे. तामिळनाडूमध्ये या सिनेमाने आतापर्यंत 149.51 करोड रुपयांची कमाई केली आहे. रजनीकांतचे चाहते सिनेमाघरात पोहोचले आहेत. 

फक्त देशातच नव्हे तर विदेशात या सिनेमाने धुमाकूळ घालत आहे. ट्रेड अॅनालिस्ट रमेश बाला यांच्यानुसार, अमेरिकी बॉक्स ऑफिसवर हा तिसरा सिनेमा आहे. ज्याने 5 मिलियन डॉलर म्हणजे 35.62 करोड रुपयांची कमाई केली आहे. या अगोदर पद्मावत आणि संजूने देखील अशीच कमाई केली आहे. 

In 2018, #2Point0 is the 3rd Indian movie to cross $5 Million at the #USA Box Office..

The other two are #Padmaavat and #Sanju

— Ramesh Bala (@rameshlaus) December 10, 2018

सिनेमाच्या हिंदी वर्जनबद्दल बोलायचं झालं तर तरण आदर्शने ट्विट करून याची माहिती दिली आहे. 2.0 ने आपला स्पीड कायम ठेवला आहे. शनिवारी शुक्रवारच्या अपेक्षेपेक्षा जास्त कमाई झाली. 56.41 टक्क्यांनी कमाईत वाढ झाली. रिलीजच्या दुसऱ्या शुक्रवारी सिनेमाने 5.82 करोड आणि शनिवारी 9.15 करोड रुपयांची कमाई केली आहे. याचप्रकारे आतापर्यंत 154 करोड रुपयांचा बिझनेस केला आहे.

#2Point0 picks up speed again... Growth on second Sat [vis-à-vis second Fri]: 56.41%... Should score on second Sun too... [Week 2] Fri 5.85 cr, Sat 9.15 cr. Total: ₹ 154.75 cr. India biz. Note: HINDI version.

— taran adarsh (@taran_adarsh) December 9, 2018

विशेष तज्ञांच्या माहितीनुसार, जगभरात या सिनेमाने 623.19 करोड बिझनेस केला आहे. सिनेमाचं बजेट 600 करोड रुपये असून हा सिनेमा तेलुगु, तमिळ आणि हिंदी भाषेत एकून 6800 स्क्रीनवर रिलिज झाला. 2010 मध्ये प्रदर्शित झालेल्या रोबोट या सिनेमाचा '2.0' हा सिक्वल आहे. ज्या सिनेमात ऐश्वर्या राय बच्चन देखील होती.