Mercury Transit 2023: హిందూమతంలో ఒక్కొక్క గ్రహాన్ని ఒక్కో పేరుతో పిలవడమే కాకుండా ప్రతి గ్రహానికి కొన్ని అంశాల్ని ముడిపెడుతుంటారు. అదే విధంగా బుధుడిని వ్యాపారం, బుద్ధి, తెలివితేటలు, లాజికల్ థింకింగ్, మేథ్స్, ఎకనామిక్స్, షేర్ మార్కెట్ వంటి వాటికి కారకుడిగా పరిగణిస్తారు. అందుకే బుధుడి గోచారానికి ప్రత్యేకత ఉంటుంది.
గ్రహాల రాజకుమారుడిగా భావించే బుధుడు తులా రాశిలో ప్రవేశించనున్నాడు. బుధుడు తులా రాశిలో ప్రవేశించడం వల్ల కొన్ని రాశులకు మాత్రం అద్భుతమైన ప్రయోజనం కలగనుంది. బుధుడు మంచి స్థితిలో ఉంటే వ్యాపారంలో భారీ లాభాలు కలుగుతాయి. అక్టోబర్ 19 అంటే ఇవాళ బుధుడు తులా రాశిలో ప్రవేశించనున్నాడు. ఆ తరువాత బుధుడి నక్షత్ర పరివర్తనం కూడా అక్టోబర్ 22ను స్వాతి నక్షత్రంలో జరగనుంది. తిరిగి అక్టోబర్ 31న విశాఖ నక్షత్రంలో ప్రవేశించనున్నాడు. ఆ తరువాత నవంబర్ 6వ తేదీన బుధుడు గోచారంతో వృశ్చిక రాశిలో ప్రవేశిస్తాడు. బుధుడి కదలికలో వరుసగా జరిగే ఈ పరిణామాలు 3 రాశులకు అత్యంత శుభప్రదం కానుంది. అంతులేని ధనలాభంతో పాటు వృద్ధి కూడా ఉంటుంది.
తుల రాశి జాతకులకు బుధుడి రాశి పరివర్తనం ప్రభావంతో అంతా శుభప్రదంగా ఉంటుంది. ఈ జాతకుల వ్యక్తిత్వంలో మార్పు కన్పిస్తుంది. ఈ సమయంలో అదృష్టం కలిసి రావడంతో ఏపని తలపెట్టినా దిగ్విజయంగా పూర్తవుతుంది. జీవితంలో సుఖ సంతోషాలు ప్రాప్తిస్తాయి. ఆదాయానికి కొత్త మార్గాలు తెర్చుకోవడంతో ఆర్ధికంగా పటిష్టమైన స్థితిని కలిగి ఉంటారు. జీవిత భాగస్వామితో బంధం బాగుంటుంది. ఉద్యోగులు, వ్యాపారులకు చాలా అనుకూలమైన సమయం.
బుధుడి గోచారం ప్రభావం కుంభ రాశి జాతకులకు పెద్ద పండుగ లాంటిదని చెప్పవచ్చు. అంటే దీపావళికి ముందే ఈ జాతకుల జీవితంలో దీపావళి ఆనందాలుంటాయి. ఉద్యోగులకు పదోన్నతి ఉంటుంది లేదా కొంతమందికి కొత్త ఉద్యోగ అవకాశాలు లభిస్తాయి. వ్యాపారులు విశేషమైన లాభాలు ఆర్జిస్తారు. అంతేకాకుండా ఆకశ్మిక ధనలాభం ఉంటుంది. ఫలితంగా ఆర్ధికంగా పటిష్టమైన స్థితిని కలిగి ఉంటారు. ఆరోగ్యం పట్ల కాస్త జాగ్రత్త అవసరం.
ఇక బుధుడి కదలికలో జరిగే వరుస మార్పుల కారణంగా కర్కాటక రాశి జాతకులకు మహర్దశ పట్టనుంది. అదృష్టం కలిసి రావడంతో అన్నీ సజావుగా సాగుతాయి. ఉద్యోగులకు పదోన్నతి, ఇంక్రిమెంట్లు లభిస్తాయి. ఈ జాతకులపై కనకవర్షం కురుస్తుందంటారు. రియల్ ఎస్టేట్ వ్యాపారంలో ఉండేవారికి అధిక లాభాలు కలుగుతాయి. ఆర్ధికంగా పటిష్టమైన స్థితిలో ఉంటారు. ఆరోగ్యం విషయంలో అప్రమత్తంగా ఉండాలి.
Also read: Rahu Transit 2023: మీనరాశిలో రాహువు ఈ మూడు రాశుల్ని 2025 వరకూ వెంటాడనుందా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
