HBD Balakrishna: నందమూరి బాలకృష్ణ తెలుగు చిత్ర పరిశ్రమలో అన్న నందమూరి నట వారసుడిగా అడుగుపెట్టి తన కంటూ ప్రత్యేక గుర్తింపు తెచ్చుకున్నారు. అంతేకాదు తెలుగులో తొలి నట వారసుడిగా స్టార్ గా సత్తా చూపెట్టిన తొలి హీరోగా రికార్డులకు ఎక్కాడు. అంతేకాదు ఓ నట వారసుడిగా ఎంట్రీ ఇచ్చి 50 యేళ్లుగా స్టార్ హీరోగా సత్తా చూపెడుతున్న తొట్ట తొలి భారతీయ హీరోగా రికార్డుల ఎక్కాడు. ఈయన కెరీర్ లో టాప్ చిత్రాల విషయానికొస్తే..
బాలయ్య టాప్ టెన్ చిత్రాలు.. బాలయ్య కెరీర్ లో ఎన్నో బ్లాక్ బస్టర్, సూపర్ హిట్ చిత్రాలున్నాయి. అందులో టాప్ టెన్ చిత్రాల విషయానికొస్తే..
అఖండ.. నందమూరి బాలకృష్ణ, బోయపాటి శ్రీను దర్శకత్వంలో తెరకెక్కిన ‘అఖండ’ బాలయ్య కెరీర్ లో డిఫరెంట్ మూవీగా నిలిచిపోయింది.
లెజెండ్.. బోయపాటి శ్రీను, బాలయ్య కాంబోలో వచ్చిన రెండో చిత్రం ‘లెజెండ్’. ఈ సినిమా కూడా తెలుగు చిత్ర పరిశ్రమలో బిగ్గెస్ట్ బ్లాక్ బస్టర్ గా నిలిచింది.
సింహా.. బాలయ్య పనైపోయిందన్న సమయంలో బోయపాటి శ్రీను దర్శకత్వంలో తెరకెక్కిన ‘సింహా’ మూవీతో మరోసారి బాక్సాఫీస్ దగ్గర సింహ గర్జన చేసాడు.
నరసింహనాయుడు బి.గోపాల్ దర్శకత్వంలో నందమూరి బాలకృష్ణ కాంబినేషన్ లో తెరకెక్కిన చిత్రం ‘నరసింహనాయుడు’. ఈ సినిమా బాలయ్య కెరీర్ లోనే కాదు.. తెలుగు సినీ ఇండస్ట్రీలో బిగ్గెస్ట్ హిట్ గా నిలిచింది.
సమరసింహా రెడ్డి నందమూరి బాలకృష్ణ హీరోగా తెరకెక్కిన చిత్రం ‘సమరసింహారెడ్డి’. తెలుగు సినీ ఇండస్ట్రీలో ఫ్యాక్షన్ చిత్రాల్లో ఇదో ట్రెండ్ సెట్టర్ మూవీగా నిలిచింది.
భైరవ ద్వీపం (Bhairava Dweepam) జానపదాలు కనుమరుగు అవుతున్న సందర్బంలో బాలయ్య రాకుమారుడిగా సింగీతం శ్రీనివాస రావు దర్శకత్వంలో తెరకెక్కిన చిత్రం ‘భైరవ ద్వీపం’. ఈ సినిమా బాలయ్య కెరీర్ లో ఢిఫరెంట్ మూవీగా నిలిచిపోయింది.
రౌడీ ఇన్ స్పెక్టర్ బాలయ్య, బి.గోపాల్ కాంబినేషన్ లో తెరకెక్కిన చిత్రం ‘రౌడీ ఇన్ స్పెక్టర్’. తెలుగులో పోలీస్ బ్యాక్ డ్రాప్ చిత్రాల్లో ఈ సినిమాకు తప్పక స్థానం ఉంటుంది.
ఆదిత్య 369 సింగీతం శ్రీనివాసరావు దర్శకత్వంలో బాలకృష్ణ శ్రీ కృష్ణ దేవరాయలుగా, కృష్ణకుమార్ గా రెండు విభిన్న పాత్రల్లో నటించిన చిత్రం ‘ఆదిత్య 369’. అంతేకాదు తెలుగులో తొలి సైన్స్ ఫిక్షన్ టైమ్ ట్రావెల్ మూవీగా ఈ సినిమా రికార్డులకు ఎక్కింది. ఈ చిత్రం పలు రికార్డులను బద్దలు కొట్టింది.
ముద్దుల మావయ్య కోడి రామకృష్ణ దర్శకత్వంలో భార్గవ్ ఆర్ట్స్ ప్రొడక్షన్ లో నిర్మించిన చిత్రం ‘ముద్దుల మావయ్య’. తెలుగులో ఈ సినిమా ఇండస్ట్రీ హిట్ గా నిలిచింది.
మంగమ్మ గారి మనవడు భార్గవ్ ఆర్ట్స్ ప్రొడక్షన్స్ తో కోడి రామకృష్ణ దర్శకత్వంలో తెరకెక్కిన చిత్రం ‘మంగమ్మ గారి మనవడు’. ఈ సినిమాతో బాలయ్య తొలి సోలో హిట్ గా నిలిచింది. అంతేకాదు తొలి బ్లాక్ బస్టర్, సిల్వర్ జూబ్లీ, గోల్డెన్ జూబ్లీ చిత్రంగా రికార్డులకు ఎక్కింది.
