Naga Shaurya's Krishna Vrinda Vihari Trailer Released: హిట్లు, ఫట్లతో సంబంధంలేకుండా వరుస సినిమాలు చేసుకుంటూ పోతున్నాడు టాలీవుడ్ యువ హీరో నాగశౌర్య. ప్ర‌స్తుతం బ్యాక్ టు బ్యాక్ సినిమాల‌తో బిజీ బిజీగా ఉన్నాడు. ఫ‌లానా అబ్బాయి ఫ‌లానా అమ్మాయి, నారి నారి న‌డుమ మురారి, పోలీస్ వారి హెచ్చ‌రిక సినిమాలు నాగశౌర్య ఖాతాలో ఉన్నాయి. అంతేకాదు అయన నటించిన 'కృష్ణ వ్రింద విహారి' అనే సినిమా విడుదలకు సిద్ధంగా ఉంది. అనీష్‌ ఆర్‌ కృష్ణ దర్శకత్వం వహించిన ఈ సినిమాను ఐరా క్రియేష‌న్స్ బ్యాన‌ర్‌పై ఉషా ముల్పూరి నిర్మించారు.
అన్ని కార్యక్రమాలు పూర్తిచేసుకున్న 'కృష్ణ వ్రింద విహారి' సినిమా సెప్టెంబరు 23న ప్రేక్షకుల ముందుకు రానుంది. ఈ సందర్భంగా శనివారం ట్రైలర్‌ విడుదల చేశారు. 2 నిమిషాల 18 సెకండ్ల నిడివి గల ఈ సినిమా ట్రైలర్‌.. నాగశౌర్య చెప్పే 'ప్రతి సినిమా ముకేశ్‌ యాడ్‌తో మొదలైనట్లు.. నా కథ వీడితో మొదలవుతుంది' డైలాగ్‌తో ఆరంభం అవుతుంది. 'నేను వెళ్తోంది ఒలింపిక్స్‌కా.. ఉద్యోగాని', '300 టిక్కెట్ల గాల్లం మాకే వర్కౌట్ అవదు.. ఫ్రీ దర్శనం గాడివి నీకు అవసరమా బ్రో', 'వెజ్జి బ్యాచ్ హా.. అయితే నువ్ మాకు దూరంగా ఉంటే బెటర్' అనే డైలాగ్స్ ఆకట్టుకుంటున్నాయి.
'కృష్ణ వ్రింద విహారి' ట్రైలర్‌ చూస్తోంటే.. సినిమా కామెడీ, లవ్ నేపథ్యంలో తెరకెక్కినట్టు తెలిసిపోతుంది. సాంప్రదాయ బ్రాహ్మణ కుటుంబంలో జన్మించిన అబ్బాయిగా నాగ శౌర్య కనిపించగా.. షిర్లే సెటియా మోడ్రన్ అమ్మాయిగా మెరిశారు. హీరో హీరోయిన్స్ ఒకే ఆఫీసులో పనిచేస్తుంటారు. హీరోయిన్‌ను పడేయడానికి హీరో బాగా కష్టపడుతుంటాడు. హీరోయిన్ పడిందనుకునే లోపే పెద్ద ట్విస్ట్ ఇచ్చారు.
'కృష్ణ వ్రింద విహారి' ట్రైలర్‌లో మంచు విష్ణు మెరిశారు. ఆయన సినిమాలో కీ రోల్ ప్లే చేస్తున్నారా లేదా ఆ ఒక్క సీన్‌లో మాత్రమే ఉంటారా అన్నది తెలియరాలేదు. ఇక ఈ సినిమాలో న్యూజిలాండ్ సింగ‌ర్‌, బాలీవుడ్ నటి షిర్లే సెటియా హీరోయిన్‌గా నటించారు. ప్రముఖ నటి రాధికా శ‌ర‌త్ కుమార్ కీ రోల్‌లో న‌టిస్తున్నారు. వెన్నెల కిషోర్‌, రాహుల్‌ రామకృష్ణ తదితరులు కీలక పాత్రలు పోషించారు. ఈ చిత్రానికి మ‌హ‌తి స్వ‌ర‌సాగ‌ర్ మ్యూజిక్ డైరెక్ట‌ర్.
Also Read: ఓటీటీకి సిద్దమైన 'కార్తికేయ 2'.. స్ట్రీమింగ్ ఎప్పుడు, ఎందులోనో తెలుసా?
Also Read: షమీ, చహర్‌లకు షాక్.. డీకేకు చోటు! టీ20 ప్రపంచకప్‌కు భారత జట్టు ఇదే
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P3R74U
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
