Holiday: ఒకే రోజు రెండు పండుగలు.. తెలంగాణలో స్కూల్స్‌, ఆఫీస్‌లకు సెలవు
180844 GST Council: జీఎస్టీ వల్ల ఏర్పడే ఆదాయ లోటును రాష్ట్రాలే స్వయంగా భర్తీ చేసుకునేందుకు వీలుంగా వచ్చే జీఎస్టీస సమావేశంలో కీలక నిర్ణయాలు తీసుకోనుందట కేంద్రం. వచ్చే నెల జీఎస్టీ మండలి సమావేశం జరగనున్న నేపథ్యంలో పలు కీలక విషయాలపై చర్చించి నిర్ణయాలు తీసుకోవవచ్చని తెలిసింది.
విశ్వసనీయ వర్గాల ప్రకారం.. జీఎస్టీ శ్లాబుల్లో మార్పుల ప్రతిపాదన తెరపైకి రావచ్చని సమాచారం. ప్రస్తుతం జీఎస్టీలో కనీసం 5 శాతం, గరిష్ఠంగా 28 శాతం జీఎస్టీ పన్నులు వసూలవుతున్నాయి. మొత్తం జీఎస్టీలో 5, 12, 18, 28 శాతం చొప్పున శ్లాబులు ఉన్నాయి. కాగా శ్లాబు అయిన 5 శాతాన్ని ఎత్తేవేయాలని యోచనలో కేంద్రం ఉందట. ఇదే విషయాన్ని మండలి ముందుకు వచ్చే సమావేశంలో తీసుకురావాలని భావిస్తోందని తెలుస్తోంది. దీనికో బదులు రెండు కొత్త శ్లాబులను తీసుకువచ్చే యోజనలో ఉందని సమాచారం.
ఇక 5 శాతం శ్లాబులోకి వచ్చే వస్తు, సేవల్లో కొన్నింటిని 3 శాతం, మరికొన్నింటిని 8 శాతం శ్లాబులోకి తేనున్నట్లు తెలిసింది. మరోవైపు 5 శాతం శ్లాబును, 7, 8, 9 శాతానికి పెంచాలనే చర్చర తీవ్రంగా సాగుతున్నట్లు విశ్వసనీయ వర్గాలు చెబుతున్నాయి. అయితే దీనిపై అధికారికంగా మాత్రం ఎలాంటి ప్రకటన లేదు.
శ్లాబు శాతం పెంచడం వల్ల ఏమవుతుంది?
ప్రస్తుతం 5శాతంగా ఉన్న జీఎస్టీ కనీస శ్లాబును పెంచడం వల్ల ప్రభుత్వానికి అదనపు ఆదాయం చేకూరుతుంది. మరోవైపు ప్రస్తుతం జీఎస్టీ మినహాయింపు ఉన్న వస్తువులను కూడా.. పన్ను పరిదిలోకి తెచ్చే అవకాశాలున్నాయట. దీని ద్వారా కూడా ప్రభుత్వ ఆదాయం పెరుగుతుంది. ఫలితంగా రాష్ట్రాలకు నష్టపరిహారం చెల్లించే బదులు.. ఆదాయ మార్గం చూపించినట్లవుతుందని కేంద్రం భావిస్తోందట. 5 శాతం జీఎస్టీని 8 శాతంగా మార్చడం వల్ల ప్రభుత్వానిక అదనంగా ఏటా 1.5 లక్షల కోట్ల మేర ఆదాయం సమకూరనుందట, 6 శాతానికి పెంచితే దాదాపు రూ.50 వేల కోట్ల ఆదనపు ఆదాయం వస్తుందని అంచనాలు ఉన్నాయి.
Also read: Sri Lanka Crisis: శ్రీలంకలో ముదురుతున్న సంక్షోభం- స్టాక్ ఎక్స్ఛేంజీ తాత్కాలికంగా మూసివేత
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
GST Council: పెరగనున్న జీఎస్టీ కనీస శ్లాబు 5 శాతం నుంచి పెంపు?
వచ్చే నెలలో జీఎస్టీ మండలి సమావేశం
శ్లాబుల్లో సవరణకు అవకాశం
కనీస శ్లాబు శాతాన్ని పెంచేందుకు ప్రతిపాదన!
