Shruti Haasan in Waltair Veerayya సంక్రాంతి బరిలోకి రెండు పెద్ద సినిమాలు వచ్చాయి. బాలయ్య వీర సింహా రెడ్డి, చిరంజీవి వాల్తేరు వీరయ్య సినిమాలు ప్రేక్షకుల ముందుకు వచ్చాయి. నిన్న వచ్చిన వీర సింహా రెడ్డి, నేడు వచ్చిన వాల్తేరు వీరయ్య సినిమాల మధ్య గట్టి పోటీయే ఉంది. బాలయ్య సినిమా మరీ రొటీన్‌గా ఉందని, ప్రేక్షకులను ఎంగేజ్ చేయలేకపోయిందనే మిక్స్డ్ టాక్ వచ్చింది. ఇప్పుడు వాల్తేరు వీరయ్యకు మాత్రం పాజిటివ్ టాక్ వచ్చింది.
ఈ రెండు సినిమాల టాక్స్, కలెక్షన్స్ ఎలా ఉన్నా కూడా.. శ్రుతి హాసన్ హీరోయిన్‌గా ఒక దాంట్లో మెప్పించింది.. ఇంకోదాంట్లో విసిగించింది. బాలయ్య వీర సింహా రెడ్డి సినిమాలో శ్రుతి హాసన్ నటను చూసి అందరూ తల పట్టేసుకున్నారు. ఇలాంటి కారెక్టర్ ఎందుకు ఎంచుకుంది.. ఇలా నటిస్తోందేంటి? అని అంతా అనుమానం వ్యక్తం చేశారు. పాటలకు తప్పా ఇంకెందుకు వాడుకోలేకపోయింది వీర సింహా రెడ్డి టీం.
కానీ వాల్తేరు వీరయ్యలో శ్రుతి హాసన్ అందంగా కనిపించడమే కాదు.. పాత్రకు ఇంపార్టెన్స్ కూడా ఉంది. చిరంజీవితో ఓ చిన్న ఫైట్ కూడా ఉంటుంది. అలా ఈ సినిమాలో శ్రుతి హాసన్ తన నటన, అందం, ఫైట్ సీక్వెన్స్‌లో అందరినీ ఆకట్టుకుంది. దీంతో శ్రుతి హాసన్ పేరు మరోసారి మార్మోగిపోతోంది.
వీర సింహా రెడ్డి ద్వారా వచ్చిన నెగెటివ్ టాక్.. వాల్తేరు వీరయ్యతో పోయేట్టుంది. ఇకపై శ్రుతి హాసన్‌కు తెలుగులో అవకాశాలు వచ్చేలా ఉన్నాయి. మొత్తానికి ఈ సంక్రాంతి బరిలో శ్రుతి హాసన్ గెలిచినట్టే. ఒకటి పోయినా ఒకటి వచ్చింది కాబట్టి శ్రుతి హాసన్‌కు ప్లస్సే అవుతుంది. ఇక చిరంజీవి, బాలయ్యలో ఎవరు నెగ్గుతారు.. ఎవరికి ఎంత కలెక్షన్స్ వస్తుంది? అనేది వేచి చూడాలి.
Also Read: Veera Simha Reddy Review : వీర సింహా రెడ్డి రివ్యూ.. మెప్పించిన బాలయ్య, నొప్పించిన గోపీచంద్
Also Read: Veera Simha Reddy Twitter Review : వీర సింహా రెడ్డి ట్విట్టర్ స్టోరీ.. బోయపాటి కన్నా అరాచకం
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
