Eagle Movie Break Even: సంక్రాంతి బరిలో నుంచి తప్పుకుని సినీ పరిశ్రమలో సుహృద్భావ వాతావరణాన్ని కల్పించిన సినిమా 'ఈగల్‌'. మాస్‌ మహారాజా రవితేజ నటించిన ఈ సినిమా ఈనెల 9వ తేదీన విడుదలకు సిద్దమైంది. టీజర్‌, ట్రైలర్‌లతో భారీ అంచనాలు నెలకొన్న ఈ సినిమా కోసం ప్రేక్షకులు ఆత్రుతగా ఎదురుచూస్తున్నారు. కార్తీక్‌ ఘట్టమనేని దర్శకత్వంలో రూపొందిన ఈ సినిమాలో ఆఖరి 40 నిమిషాలు అదిరిపోయిందని తెలుస్తోంది. ఈ విషయాన్ని నిర్మాత టీజీ విశ్వప్రసాద్‌ చెప్పడంతో రవితేజ అభిమానులు జోష్‌లో ఉన్నారు. ఇక కలెక్షన్లపరంగా కూడా 'ఈగల్‌' దూసుకెళ్తుందని సినీ పరిశ్రమ భావిస్తోంది.
Also Read: Imran Khan: బతకడం కోసం లగ్జరీ కారును అమ్మేసుకున్న ఒకప్పటి స్టార్‌ హీరో
తాజాగా ఈ సినిమాను హీరో రవితేజ చిత్రబృందంతో కలిసి చూశాడు. 'ఫుల్‌ సాటిస్‌ఫైడ్‌' అని చెప్పడంతో సినిమా 'సూపర్‌ హిట్ పక్కా' అని భావిస్తున్నారు. టీజర్‌, ట్రైలర్‌ చూస్తుంటే సినిమా హాలీవుడ్‌ స్థాయిలో మేకింగ్‌ ఉండడం, మాస్‌ ప్రేక్షకులను ఆకట్టుకునేలా మాస్‌ యాక్షన్‌ ఎంటర్‌టైన్‌మెంట్‌ ఉందని నిర్మాత చెప్పాడు. దీంతో శుక్రవారం విడుదల కానున్న సినిమాపై భారీ అంచనాలు నెలకొన్నాయి. ఈ నేపథ్యంలో సినిమా ప్రీ రిలీజ్‌ బిజినెస్‌ లెక్కలు వేస్తున్నారు.
Also Read: Vishnu Idol: కృష్ణా నదిలో ప్రత్యక్షమైన విగ్రహాలు.. అయోధ్య రాముడి రూపంలో శ్రీమహావిష్ణువు, శివలింగం
పరిశ్రమలో వస్తున్న మాటలు చూస్తుంటే నైజాంలో రూ.6 కోట్లు, సీడెడ్‌లో రూ.2.5 కోట్లు, ఆంధ్రాలో రూ.8.5 కోట్లు కలిపి తెలుగు రాష్ట్రాల్లో రూ.17 కోట్ల బిజినెస్‌ చేసినట్లు లెక్కలు వేస్తున్నారు. దేశవ్యాప్తంగా పరిశీలిస్తే ఓ 2 కోట్లు, ఓవర్సీస్‌ మరో 2 కోట్లు ఉంటుందని అంచనా. ఈ ప్రపంచవ్యాప్తంగా 'ఈగల్‌' సినిమా రూ.22 కోట్ల బ్రేక్‌ ఈవెన్‌ లక్ష్యంగా చేసుకుంది. ప్రస్తుతం సినిమాకు అడ్వాన్స్‌ బుకింగ్‌ జోరుగా ఉంది. సినిమాకు మాంచి ఓపెనింగ్స్‌ లభించేలా ఉన్నాయి. విడుదల రోజే రూ.15 నుంచి రూ.20 కోట్ల గ్రాస్‌ వచ్చేలా ఉందని సినీ పరిశ్రమ బిజినెస్‌మేన్లు లెక్కలు వేస్తున్నారు. సినిమాపై పాజిటివ్‌ టాక్‌ వస్తే మాత్రం వారాంతం మరిన్ని వసూళ్లు వచ్చే అవకాశం ఉంది. రెండో శనివారం సెలవు రోజు కావడం సినిమాకు మరింత కలిసొచ్చేలా ఉంది.
ఈ సినిమాలో రవితేజ సరసన అనుపమ పరమేశ్వరన్‌, కావ్య థాపర్‌ నటిస్తుండగా.. నవదీప్‌, అవసరాల శ్రీనివాస్‌, అజయ్‌ ఘోష్‌ కీలక పాత్రల్లో నటిస్తున్నారు. టైగర్‌ నాగేశ్వర్‌ రావు మోస్తారు విజయం తర్వాత రవితేజ 'ఈగల్‌'తో ప్రేక్షకుల ముందుకు వస్తున్నారు. పీపుల్‌ మీడియా ఫ్యాక్టరీ బ్యానర్‌పై టీజీ విశ్వప్రసాద్‌ సినిమాను నిర్మిస్తున్నారు. డవ్‌జండ్‌ సినిమాకు సంగీతం అందించారు. 'కలెక్షన్లతో పద్ధతైన దాడి' చేయడానికి ఈగల్‌ ఇక సిద్ధమైంది. సినిమా విడుదల సందర్భంగా రవితేజ తాజాగా 'ఎక్స్‌' వేదికగా స్పందించారు. 'మొండోడి మాస్‌ విస్ఫోటనం రేపటి నుంచి' అంటూ రాసి ఓ పోస్టర్‌ను పోస్టు చేశాడు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
