NBK - Bhagavanth Kesari: నందమూరి నట సింహం బాలకృష్ణ గతంలో ఎన్నడు లేనంతగా సూపర్ ఫామ్‌లో ఉన్నాడు. అంతేకాదు వరుస సక్సెస్‌లతో బ్యాక్ టూ బ్యాక్ వరుస సక్సెస్‌లతో దూకుడు మీదున్నాడు. బోయపాటి శ్రీను దర్శకత్వంలో తెరకెక్కిన 'అఖండ'తో పవర్‌ఫుల్ కమ్ బ్యాక్ ఇచ్చిన బాలయ్య.. ఆ తర్వాత 'వీరసింహారెడ్డి', 'భగవంత్ కేసరి' వంటి బ్యాక్ టూ బ్యాక్ సక్సెస్‌లతో చాలా యేళ్ల తర్వాత హాట్రిక్ హిట్స్ నమోదు చేసారు. ఈ మూవీలో బాలయ్య ఎలాంటి డ్యూయట్ లేకుండా తన ఏజ్‌కు తగ్గ పాత్రలో నటంచి మెప్పించాడు. అంతేకాదు యాక్షన్ సీక్వెన్స్‌లలో తనదైన ముద్ర వేసారు. అనిల్ రావిపూడి మొత్తంగా బాలయ్యకు తగ్గ స్టోరీని రెడీ చేసి అన్ని వర్గాల ప్రేక్షకుల మెచ్చేలా తెరకెక్కించాడు.
'భగవంత్ కేసరి' మూవీతో బాలకృష్ణ పలు నయా రికార్డులను క్రియేట్ చేసాడు. సీనియర్ టాప్ హీరోల్లో వరుసగా ఎవరు మూడు రూ. 100 కోట్ల గ్రాస్.. రూ. 70 కోట్ల షేర్ అందుకున్న హీరో ఎవరు లేరు. తన తరం హీరోల్లో ఈ రికార్డు అందుకున్న ఏకైక సీనియర్ హీరోగా బాలయ్య నిలిచారు. ముఖ్యంగా బాలయ్య గెటప్, మాస్ అప్పీరియన్స్, డైలాగ్స్, యాక్షన్ ఎపిసోడ్స్ ఈ సినిమాకు పెద్ద ఎస్సెట్‌గా నిలిచాయి. ఇక ఈ సినిమా ప్రపంచ వ్యాప్తంగా రూ. 72 కోట్ల షేర్.. రూ. 135 కోట్ల గ్రాస్ వసూళ్లను రాబట్టినట్టు ట్రేడ్ వర్గాలు చెబుతున్నాయి. మరోవైపు ఈ సినిమా అమెజాన్ ప్రైమ్ ఓటీటీలో మంచి రెస్పాన్స్ తెచ్చుకంది. ఈ డిజిటల్ యుగంలో బాలయ్య నటించిన సినిమాలు వరుసగా హిట్ అవ్వడమే కాదు.. థియేట్రికల్‌గా 100 రోజులు పూర్తి చేసుకోవడం కూడా ఓ విశేషమనే చెబుతున్నారు.
ముఖ్యంగా హిందీ వెర్షన్‌కు బాలయ్య చెప్పిన డైలాగులపై నార్త్ ఆడియన్స్ మెచ్చుకుంటున్నారు. ఇక థియేట్రికల్‌గా.. ఓటీటీ వేదికగా సూపర్ హిట్ అనిపించుకున్న ఈ సినిమా జీ తెలుగులో వరల్డ్ టెలివిజన్ ప్రీమియర్‌గా ఫస్ట్ టైమ్ టెలికాస్ట్ అయింది. ఈ సినిమాను మొదటి సారి 9.36 టీర్పీ రేటింగ్ సాధించింది. ఒక రకంగా పెద్ద బ్లాక్ బస్టర్ సినిమాకు ఇది షాకింగ్ టీఆర్పీ అయినా.. గత కొన్నేళ్లుగా ఆడియన్స్ టేస్ట్ మారింది. చాలా సినిమాలను ఓటీటీ వేదికగా తమకు నచ్చిన టైమ్‌లో చూస్తున్నారు. అదే టీవీలో అయితే.. పనిగట్టుకొని అన్ని పనులు మానుకొని చూడాలి. అంత ఓపిక తీరిక నేటి ఆడియన్స్‌కు ఉండటం లేదు. ఏదో సీనియర్ సిటీజన్స్.. కొంత మంది ప్రేక్షకులు టీవీల్లో సినిమాలు వస్తే చూస్తున్నారు. ఒక రకంగా ఎంతో మంది థియేట్రికల్‌గా.. ఆ తర్వాత ఓటీటీ వేదికగా చూసిన వాళ్లు ఈ సినిమాను ఈ రేంజ్‌లో ఆదరించడం అన్నది మాములు విషయం కాదు. బాలయ్య విషయానికొస్తే.. ప్రస్తుతం బాబీ (కే.యస్.రవీంద్ర) దర్శకత్వంలో యాక్షన్ ఎంటర్టేనర్‌ చేస్తున్నారు. ఈ మూవీలో మరోసారి బాలయ్య డాన్ పాత్రలో కనిపించబోతున్నట్టు సమాచారం.
Also Read: YS Sharmila Security: చెల్లెమ్మకు భద్రత పెంచిన జగన్‌ అన్నయ్య.. 2+2 భద్రత పెంపు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
