Nitya Menon's Wedding: సినిమా ఇండస్ట్రీకి చెందిన పలువురు హీరోలు, హీరోయిన్ లు ఈ మధ్య కాలంలో పెళ్లి పీటలు ఎక్కుతున్న వార్తలు జోరుగా మీడియాలో వస్తున్నాయి. ఈ ఏడాదిలో పలువురు ఇండస్ట్రీ ప్రముఖులు పెళ్లి చేసుకుని వార్తల్లో నిలిచారు. కొందరు పెళ్లికి సంబంధించిన వార్తలతో మీడియాలో నిలుస్తున్నారు. గత కొన్నాళ్లుగా అలా మొదలైంది హీరోయిన్ నిత్యా మీనన్ పెళ్లి చేసుకోబోతుంది అంటూ వార్తలు వస్తున్నాయి. ఆమె ప్రేమలో ఉందని కొందరు, ఆమె పెళ్లికి అంతా రెడీ అయిందని కొందరు తెగ ప్రచారం చేస్తున్న నేపథ్యం లో పెళ్లి వార్తలు నిజమే అనుకున్నారు. కానీ కొన్నాళ్ల క్రితం నిత్యా మీనన్ పెళ్లి వార్తలను ఖండించింది. ఇప్పట్లో పెళ్లి చేసుకోను, పెళ్లి చేసుకోవాలి అనుకున్నప్పుడు తప్పకుండా మీడియాకు మొదట చెప్తానంటూ కౌంటర్‌ ఇచ్చింది.
ఇన్నాళ్లు పెళ్లి వార్తలను ఖండిస్తూ వచ్చిన నిత్యా మీనన్ ఈసారి పెళ్లి పీటలు ఎక్కేందుకు రెడీ అయిందని మలయాళ మీడియా వర్గాల వారితో పాటు ఆమె సన్నిహితులు కూడా ఈసారి నమ్మకంగా చెబుతున్నారు. ఇండస్ట్రీకే చెందిన ఆమె సన్నిహితుడు, స్నేహితుడితో పెళ్లి జరిగే అవకాశాలు కనిపిస్తున్నాయి. నిత్యా మీనన్ ఇండస్ట్రీలో అడుగు పెట్టి చాలా సంవత్సరాలు అయింది. అతడు కూడా నిత్యా మీనన్ ఇండస్ట్రీలోకి వచ్చిన సమయంలోనే కాస్త అటు ఇటుగా వచ్చాడట. మలయాళ సినిమాల్లో నటించడంతో పాటు కొన్ని ఇతర భాషల సినిమాల్లో నటించి నటుడిగా, హీరోగా మంచి పేరును సొంతం చేసుకున్నాడట. అతడితో రిలేషన్‌ లో ఉన్న ముద్దుగుమ్మ నిత్యా మీనన్ ఆ విషయాన్ని బయటకు పొక్కకుండా జాగ్రత్త పడుతుందని మలయాళ మీడియా వర్గాల వారు అంటున్నారు.
Also Read: World Cup 2023: వరల్డ్ కప్ షెడ్యూల్‌లో నో ఛేంజ్‌.. హెచ్‌సీఏకి బీసీసీఐ క్లారిటీ
నిత్యా మీనన్ స్కిన్‌ షో చేయకుండా కేవలం తన నటన ప్రతిభతో అలరిస్తూ ఆకట్టుకుంటూ ఇండస్ట్రీలో మంచి పేరు దక్కించుకుని పెద్ద ఎత్తున అభిమానులను సొంతం చేసుకుంది. సాధారణంగా సౌత్‌ హీరోయిన్స్ ముఖ్యంగా తెలుగు సినిమా కమర్షియల్‌ హీరోయిన్స్ స్కిన్‌ షో చేస్తేనే మనుగడ ఉంటుంది. కానీ నిత్యా మీనన్ ఇప్పటి వరకు కనీసం నడుము అందాన్ని కూడా చూపించిన దాఖలాలు లేవు. అయినా కూడా ఇన్నాళ్లు ఇండస్ట్రీలో కొనసాగింది అంటే ఆమె ప్రతిభ ఏ స్థాయిదో అర్థం చేసుకోవచ్చు. హీరోయిన్ గా నిత్యా మీనన్ ఇప్పటికి కూడా ఏదో ఒక భాషలో నటిస్తూనే ఉంది. తాజాగా మరోసారి తెలుగు లో ఒక లేడీ ఓరియంటెడ్‌ సినిమా తో సందడి చేసేందుకు రెడీ అవుతోంది. పెళ్లి తర్వాత కూడా నిత్యా మీనన్ సినిమా ల్లో నటన కంటిన్యూ చేసే అవకాశాలు కనిపిస్తున్నాయి.
Also Read: Poco M6 Pro 5G Price: అంచనాలను దాటుతున్న Poco M6 Pro 5G సేల్స్‌..మరింత తగ్గిన ధరలు..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P3R74U
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
