Mahesh Babu tweet on Jawan Movie: 'జవాన్' మూవీ రిలీజ్ కు కౌంట్ డౌన్ స్టార్ట్ అయింది. మరికొన్ని గంటల్లో జవాన్(Jawan Movie) ప్రేక్షకుల మందుకు రానుంది. ఇప్పటికే టికెట్లన్నీ హాట్ కేకుల్లా అమ్ముడైపోయాయి. ఈ మూవీకి ఉత్తరాదితోపాటు దక్షిణాదిలోనూ మంచి క్రేజ్ ఉంది. ఈ సినిమాకు తెలుగులో కూడ మంచి హైప్ ఉంది. పఠాన్ తర్వాత షారుఖ్ నుంచి వస్తున్న సినిమా కావడంతో దీనిపై భారీగా అంచనాలు ఉన్నాయి. ఈ సినిమా కోసం మూవీ లవర్స్ తోపాటు సినీ సెలబ్రెటీలు సైతం ఎంతో ఆసక్తిగా ఎదురుచూస్తున్నారు. తాజాగా ఇదే విషయాన్ని ట్విట్టర్ వేదికగా తెలియజేశారు మహేష్ బాబు(Mahesh Babu).
‘జవాన్ టైమ్ వచ్చేసింది. షారుక్ ఖాన్ ఈసారి తన పవర్ మొత్తాన్ని చూపించనున్నాడు. ఈ సినిమా ఆల్ టైమ్ బ్లాక్ బస్టర్ సక్సెస్ సాధించాలని కోరుకుంటున్నా. కుటుంబ సభ్యులతో కలిసి సినిమా చూసేందుకు ఎదురు చూస్తున్నానంటూ’ మహేష్ వేసిన ట్వీట్ నెట్టింట తెగ వైరల్ అవుతుంది. దీనిపై షారుఖ్ ఖాన్ కూడా స్పందించాడు. ''థాంక్యూ మై ఫ్రెండ్ . ఈ సినిమాను మీరు ఎంజాయ్ చేస్తారని ఆశిస్తున్నా. మీరు ఎప్పుడు సినిమాకు వెళ్తారో చెప్పండి మీతోపాటు కలిసి సినిమా చూసేందుకు నేను రెడీ'' అంటూ షారుఖ్ రిప్లై ఇచ్చాడు.
Thank u so much my friend. Hope you enjoy the film. Let me know when you are watching I will come over and watch it with you. Love to you and the family. Big hug. https://t.co/xW0ZD65uvk
— Shah Rukh Khan (@iamsrk) September 6, 2023
యాక్షన్ ఎంటర్ టైనర్ గా తెరకెక్కుతున్న జవాన్ సినిమాకు అట్లీ దర్శకత్వం వహిస్తున్నారు. ఇప్పటికే ఈ మూవీ నుంచి రిలీజైన పోస్టర్స్, టీజర్, సాంగ్స్, ట్రైలర్ సినిమాపై భారీగా అంచనాలు పెంచేశాయి. ఇందులో షారుఖ్ జోడిగా నయనతార నటిస్తోంది. అంతేకాకుండా ఇందులో దీపికా పదుకొనె, దళపతి విజయ్ గెస్ట్ రోల్స్ చేశారు. విజయ్ సేతుపతి విలన్ గా నటిస్తున్నాడు. ఈ సినిమాను రెడ్‌ చిల్లీ ఎంటర్‌టైనమెంట్స్‌ బ్యానర్‌పై షారుఖ్ భార్య గౌరీ ఖాన్ నిర్మిస్తుంది. ఈ సినిమా సెప్టెంబర్‌ 7న రిలీజ్ కానుంది. ఇది హిందీతో పాటు తమిళ, తెలుగు భాషల్లో విడుదల కానుంది.
Also Read: Jailer Producer: గొప్ప మనసు చాటుకున్న జైలర్‌ ప్రొడ్యూసర్.. అపోలో ఆస్పత్రికి కోటి రూపాయల విరాళం..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook
