Beast Movie actress Pooja Hegde hails Yogi Babu acting: 'కోకిల' సినిమాలో యోగిబాబు నటనకు తాను ఫిదా అయ్యాను అని స్టార్ హీరోయిన్ పూజా హెగ్డే తెలిపారు. ఆ సినిమాలో యోగిబాబు కామెడీ మరోస్థాయిలో ఉంటుందన్నారు. నెల్సన్‌ దిలీప్‌ కుమార్‌ దర్శకత్వంలో దళపతి విజయ్‌ కాంబోలో తెరకెక్కిన సినిమా 'బీస్ట్‌'. ఏప్రిల్ 13న ప్రేక్షకుల ముందుకు వస్తున్న ఈ సినిమాలో పూజా హెగ్డే హీరోయిన్‌గా చేశారు. బీస్ట్‌ చిత్ర ప్రమోషన్స్‌లో భాగంగా బుట్టబొమ్మ ఓ ఇంటర్వ్యూలో పాల్గొని పలు విషయాలు పంచుకున్నారు.
'నెల్సన్‌ దిలీప్‌ కుమార్‌ మంచి దర్శకుడు. ఆయనకు డిఫరెంట్ స్టైల్‌ ఉంది. నెల్సన్‌ తెరకెక్కించిన 'కోకిల' సినిమా నాకెంతో నచ్చింది. ఆ సినిమా చూసిన తర్వాత నేను యోగిబాబుకి పెద్ద అభిమాని అయ్యా. సినిమాలో యోగిబాబు కామెడీ మరో స్థాయిలో ఉంటుంది. ఆయన పండించిన కామెడీకి పడిపడి నవ్వకున్నా. 'డాక్టర్‌' సినిమా గురించి ప్రత్యేకంగా చెప్పాల్సిన అవసరం లేదు. ఆ చిత్రాన్ని నేను రెండుసార్లు చూశా. అందులో కూడా యోగిబాబు కామెడీకి విపరీతంగా నవ్వుకున్నా' అని బుట్టబొమ్మ తెలిపారు.
'బీస్ట్‌ సినిమా తప్పకుండా ప్రేక్షకులందరికీ నచ్చుతుంది. విజయ్‌ సర్‌తో సినిమా చేయాలని ఎప్పటి నుంచో కలలు కంటున్నా. ఈ సినిమాతో అది నెరవేరింది. సర్ ఎంతో ఫ్రెండ్లీగా ఉంటారు. ఆయన నుంచి ఎన్నో విషయాలు నేర్చుకున్నా. వృత్తి పట్ల ఆయన చూపించే అంకితభావం నాలో స్ఫూర్తి నింపాయి. బీస్ట్‌ సినిమా షూట్‌ రోజులని ఎప్పటికీ మర్చిపోను. నా బర్త్‌డే అని తెలుసుకుని.. విజయ్‌ సర్ స్పెషల్‌ పార్టీ ఏర్పాటు చేశారు. అంత పెద్ద స్టార్ నాకోసం సర్ప్రైజ్ పార్టీ ఇవ్వడం నన్ను ఆశ్చర్యానికి గురిచేసింది' అని పూజా హెగ్డే చెప్పారు.
'అరబిక్‌ కుత్తు పాటకు విదేశాల్లోనూ విపరీతమైన క్రేజ్‌ వచ్చినందుకు ఆనందంగా ఉంది. బుట్టబొమ్మ సాంగ్ తర్వాత మళ్లీ ఇలాంటి సాంగ్ రావడం సంతోషాన్ని ఇచ్చింది. అరబిక్‌ కుత్తు పాట మొదట విన్నప్పుడు బాగా నచ్చేసింది. కానీ ఇంత పెద్ద హిట్‌ అవుతుందని అసలు ఊహించలేదు. ఈ పాట విడుదలయ్యాక చాలామంది మినింగ్‌ ఏమిటి? అని అడిగారు. నిజం చెప్పాలంటే.. నాకూ తెలియదు. సాంగ్ షూట్‌ చేస్తున్నప్పుడు లిప్‌ సింక్‌ ఇవ్వడానికి లిరిక్స్‌ అర్థం కాక నేను కూడా కాస్త కష్టమైంది' అని బుట్టబొమ్మ చెప్పుకొచ్చారు.
Also Read: Delhi Capitals: ఐపీఎల్ 2022లో అరుదైన రికార్డు నెలకొల్పిన ఢిల్లీ క్యాపిటల్స్.. మొదటి జట్టుగా..
Also Read: Pragya Jaiswal: ఈ సభ్యసమాజానికి ఏం మెసేజ్ ఇస్తున్నట్టో.. బాలయ్యబాబు హీరోయిన్‌పై ట్రోలింగ్!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
