Domestic Crude Oil: గత కొద్ది రోజులుగా అంతర్జాతీయ మార్కెట్‌లో క్రూడాయిల్ రేటు తగ్గుతోంది. దీంతో పాటు తాజాగా కేంద్ర ప్రభుత్వం చమురు కంపెనీలకు పెద్ద ఊరటనిచ్చింది. డీజిల్, ఏవియేషన్ టర్బైన్ ఇంధనం (ఏటీఎఫ్‌)పై విండ్‌ఫాల్ పన్నును ప్రభుత్వం తగ్గించింది. దేశీయ సంస్థలు ఉత్పత్తి చేసే ముడి చమురుపై పన్నును టన్నుకు రూ.1700కు తగ్గించింది. ప్రస్తుతం టన్ను 4900 రూపాయలుగా ఉంది.
లీటరుకు రూ.5 నుంచి రూ.1.5కు తగ్గింపు..
దీంతోపాటు ఏటీఎఫ్‌పై విండ్‌ఫాల్ ట్యాక్స్‌ను లీటర్‌కు రూ.5 నుంచి రూ.1.5కు తగ్గించారు. పెట్రోల్‌పై ప్రభుత్వం ఎలాంటి మార్పు చేయలేదు. పెట్రోల్‌పై జీరో విండ్‌ఫాల్ పన్ను వర్తిస్తుంది. హైస్పీడ్ డీజిల్‌పై విండ్ ఫాల్ ట్యాక్స్ రూ.8 నుంచి 5 రూపాయలకు తగ్గింది. అంతకుముందు జూలై 1న పెట్రోల్-ఏటీఎఫ్‌పై లీటర్‌కు రూ.6, డీజిల్‌పై రూ.13 చొప్పున ఎగుమతి సుంకం విధించారు. దీనితో పాటు దేశీయంగా ఉత్పత్తి అయ్యే ముడి చమురుపై టన్నుకు రూ.23,23,250 విండ్ ఫాల్ ట్యాక్స్ విధించారు.
విండ్‌ఫాల్ ట్యాక్స్ అంటే..
విండ్‌ఫాల్ పన్ను ఒక నిర్దిష్ట పరిస్థితిలో ప్రభుత్వం విధిస్తుంది. ఒక కంపెనీ లేదా పరిశ్రమ చాలా ప్రయోజనం పొందినప్పుడు అది నిర్దిష్ట పరిస్థితిలో వెళుతుంది. ఒక కంపెనీకి తక్కువ పెట్టుబడితో మంచి లాభం వచ్చినప్పుడు.. ప్రభుత్వం విండ్‌ఫాల్ పన్ను విధిస్తుందని చెప్పవచ్చు. ప్రతి 15 రోజులకోసారి ప్రభుత్వం ధరలను సమీక్షిస్తుంది. తాజాగా విండ్‌ఫాల్ పన్నును తగ్గించడంతో పెట్రోల్, డీజిల్ ధరలు తగ్గుతాయో లేదో చూడాలి మరి.
నేడు ప్రధాన నగరాల్లో లీటర్ పెట్రోల్, డీజిల్ ధరలు ఇలా..
ఢిల్లీ-పెట్రోల్ రూ.96.72, డీజిల్ లీటర్ రూ.89.62
ముంబై- పెట్రోల్ రూ.106.31, డీజిల్ లీటర్ రూ.94.27
చెన్నై- లీటర్ పెట్రోల్ రూ.102.63, డీజిల్ రూ.94.24
కోల్‌కతా- పెట్రోలు రూ. 106.03, డీజిల్ లీటరుకు రూ.92.76
హైదరాబాద్- పెట్రోలు రూ.109.66, డీజిల్ రూ.97.82
మీ నగరంలో తాజా పెట్రోల్, డీజిల్ ధరలను చెక్ చేయండి..
ఎస్ఎంఎస్ ద్వారా వినియోగదారులు తమ నగరంలోని తాజా పెట్రోల్, డీజిల్ ధరను సులభంగా చెక్ చేసుకోవచ్చు. దీని కోసం బీపీసీఎల్ వినియోగదారులు RSP<డీలర్ కోడ్>ని 9223112222కు పంపాలి. ఇండియన్ ఆయిల్ వినియోగదారులు RSP <డీలర్ కోడ్>ని 9224992249 నంబరుకి పంపాలి. HPCL కస్టమర్‌లు పెట్రోల్, డీజిల్ కొత్త ధరను తనిఖీ చేయడానికి HPPRICE <డీలర్ కోడ్>ని 9222201122 నంబరుకు పంపాలి. కంపెనీ మీకు ఆ నగరం కొత్త ధర గురించి సమాచారాన్ని సందేశం ద్వారా పంపుతుంది.
Also Read: Bird Flu Virus: కేరళలో బర్డ్ ఫ్లూ పంజా.. కోళ్లు, బాతులను చంపేయండి.. ప్రభుత్వం ఆదేశాలు జారీ
Also Read: Bihar Hooch Tragedy: పోలీస్ స్టేషన్‌లో స్పిరిట్ మాయం.. బీహార్ కల్తీ మద్య మరణాలకు కారణం ఇదే..?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook
