Tax News

இன்று முதல் தியேட்டர்கள் வழக்கம்போல் செயல்படும் என திரையரங்கு உரிமையாளர்கள் அறிவித்துள்ளனர். தியேட்டர்களுக்கு விதிக்கப்படும் கேளிக்கை வரி குறித்து, திரையரங்கு உரிமையாளர்கள் தமிழக அரசுடன் நடத்திய பேச்சுவார்த்தையில் அரசின் முடிவை ஏற்றுக் கொண்டனர் திரையரங்கு உரிமையாளர்கள். இதனையடுத்து, இன்று காலை முதல் தமிழகத்தில் உள்ள அனைத்து திரையரங்குகளும் வழக்கம்போல் செயல்படும் என அறிவிக்கப்பட்டுள்ளது. தமிழக அரசு விதித்துள்ள 30 சதவீத கேளிக்கை வரியை ரத்து செய்ய வலியுறுத்தி, திரையரங்கு உரிமையாளர்கள் கடந்த 3-ம் தேதி முதல் திரையங்குகளை மூடி போராட்டம் நடத்தி வந்தனர் என்பது குறிப்பிடத்தக்கது.

ஜூலை 1-ம் தேதி முதல் நாடு முழுவதும் ஜி.எஸ்.டி மசோதா அமல்படுத்தப்பட உள்ள நிலையில், அதற்கான துவக்க விழா ஜூன் 30-ம் தேதி நள்ளிரவு  நாடாளுமன்றத்தில் நடைபெறும் என மத்திய நிதி அமைச்சர் அருண்ஜெட்லி தெரிவித்துள்ளார்.   இந்தியா முழுவதும் ஒரே மாதிரியான வரி விதிப்பு(சரக்கு மற்றும் சேவை வரி) அமுல் படுத்த மத்திய அரசு முடிவு செய்தது. இதற்காக கடந்த ஆண்டு ஏப்ரல் 24-ம் தேதி சரக்கு மற்றும் சேவை வரி(ஜி.எஸ்.டி.) விதிப்பு அரசியல் சாசன திருத்த மசோதாவை பாராளுமன்றத்தில் நிதியமைச்சர் அருண் ஜெட்லி தாக்கல் செய்தார்.

ரூ.2 லட்சத்துக்கு மேல் ரொக்கப்பணம் கொடுத்து நகை வாங்கினால், இனி 1 சதவீதம் வரி செலுத்த வேண்டும். ஏப்ரல் 1-ம் தேதி இது அமலுக்கு வருகிறது. 2012-ம் ஆண்டு ஜூலை மாதம் முதல், ரூ.2 லட்சத்துக்கு மேல் தங்கக் கட்டிகள் மற்றும் தங்க பிஸ்கட்டுகள் வாங்கினாலும், ரூ.5 லட்சத்துக்கு மேல் நகைகள் வாங்கினாலும் ஒரு சதவிகிதம் ரொக்க வரி விதிக்கப்பட்டு வந்தது. 

தமிழ், தெலுங்கு பட உலகில் அதிக சம்பளம் வாங்கும் நடிகைகள் பட்டியலில் நயன்தாரா, அனுஷ்கா உள்ளனர். மத்திய அரசின் கருப்பு பண ஒழிப்பு நடவடிக்கையால் தயாரிப்பாளர்களிடம், சம்பளத்துக்கு வரி கட்டி பணத்தை வெள்ளையாக தரும்படி இருவரும் வற்புறுத்துவதாக தகவல் வெளியாகி உள்ளது. இவர் இருவரும் வரி சிக்கலில் மாட்டிக் கொள்ளாமல் இருக்க தயாரிப்பாளர்களையே வரி செலுத்திவிட்டு, பின்னர் தங்களுக்கான பணத்தை வெள்ளையாக வழங்குமாறு வலியுறுத்துவதாக செய்தி வெளியாகியுள்ளது.

இந்தியா முழுவதும் ஒரே மாதிரியான வரிவிதிப்பு முறையை நடைமுறைப்படுத்தும்,  சரக்கு மற்றும் சேவை வரி மசோதா சட்டம் அடுத்த ஆண்டு ஏப்ரல் 1-ம் தேதி முதல் அமல்படுத்தப்பட்டுள்ளது. மத்திய நிதியமைச்சர் அருண் ஜெட்லி தலைமையில் ஜி.எஸ்.டி., கவுன்சில் கூட்டம் நடைபெற்றது. இந்த கூட்டத்தில், ஜி.எஸ்.டி., வரி விகிதம் 5%, 12% ,18%, 28% என நான்கு அடுக்கு வரி விகிதமாக நிர்ணயம் செய்ய கவுன்சில் கூட்டத்தில் ஒப்புதல் அளிக்கப்பட்டது. இந்த கவுன்சிலின் 2 நாள் கூட்டம் டெல்லியில் நேற்று தொடங்கியது. 

மத்திய நிதியமைச்சர் அருண் ஜெட்லி தலைமையில் ஜி.எஸ்.டி., கவுன்சில் கூட்டம் நடைபெற்றது. இந்த கூட்டத்தில், ஜி.எஸ்.டி., வரி விகிதம் 5%, 12% ,18%, 28% என நான்கு அடுக்கு வரி விகிதமாக நிர்ணயம் செய்ய கவுன்சில் கூட்டத்தில் ஒப்புதல் அளிக்கப்பட்டது.