டீம் இந்தியா மற்றும் சென்னை சூப்பர் கிங்ஸ் ஆல்ரவுண்டர் ரவீந்திர ஜடேஜா காயத்தில் இருந்து மீண்டு சிறப்பாக விளையாடி வருகிறார். காயத்தால் ஜடேஜா ஆஸ்திரேலியாவில் நடந்த 2022 டி20 உலகக் கோப்பையை இழக்க நேரிட்டது. சமீபத்தில் நடந்த ஆஸ்திரேலியாவுக்கு எதிரான நான்கு போட்டிகள் கொண்ட தொடரின் முதல் இரண்டு டெஸ்டில் ஜடேஜா ‘பிளேயர் ஆஃப் தி மேட்ச்’ ஆனார், மேலும் இந்திய அணி தொடரை 2-1 என கைப்பற்றி உலக டெஸ்ட் சாம்பியன்ஷிப் இறுதிப் போட்டிக்கு தகுதி பெற முக்கிய காரணமாக இருந்தார். ஞாயிற்றுக்கிழமை (மார்ச் 26) இரவு அறிவிக்கப்பட்ட வருடாந்திர தக்கவைப்பு ஒப்பந்தங்களில் இந்திய கிரிக்கெட் கட்டுப்பாட்டு வாரியம் (பிசிசிஐ) தனது நிலையான செயல்பாட்டிற்காக ஜடேஜாவுக்கு வெகுமதி அளித்தது, அவர் ரூ 7 கோடி ஒப்பந்தத்துடன் A+ பிரிவுக்கு மாற்றப்பட்டார், இந்த பிரிவில் ரோஹித் சர்மா, விராட் கோலி மற்றும் ஜஸ்பிரித் பும்ரா உள்ளனர்.
மேலும் படிக்க | IPL 2023: காயத்தால் ஐபிஎல் தொடரை தவறவிடும் வீரர்கள்... இதோ முழு லிஸ்ட்!
மற்றொரு ஆல்-ரவுண்டர் அக்சர் படேலும் பிசிசிஐ தக்கவைப்பில் பதவி உயர்வு பெற்றார், அக்சர் படேல் ரூ 5 கோடி ஒப்பந்தத்துடன் 'A' பிரிவுக்கு முன்னேறினார். இந்திய அணியின் தொடக்க ஆட்டக்காரரும், லக்னோ சூப்பர் ஜெயண்ட்ஸ் கேப்டனுமான கே.எல் ராகுல், மோசமான செயல்பாட்டிற்குப் பிறகு கிரேடு ‘B’ - ரூ. 3 கோடி ஒப்பந்தத்திற்கு தரமிறக்கப்பட்டார். A + (ரூ. 7 கோடி), A (ரூ. 5 கோடி), B (ரூ. 3 கோடி) மற்றும் C (ரூ 1 கோடி) ஆகிய நான்கு குழுக்களில் 26 கிரிக்கெட் வீரர்களுக்கு பிசிசிஐ தக்கவைப்பு வழங்கியது. இதில் வேகப்பந்து வீச்சாளர் புவனேஷ்வர் குமார், அஜிங்க்யா ரஹானே மற்றும் இஷாந்த் சர்மா ஒப்பந்தம் பெறவில்லை.
NEWS- BCCI announces annual player retainership 2022-23 - Team India (Senior Men).
More details here - https://t.co/kjK4KxoDdK #TeamIndia
— BCCI (@BCCI) March 26, 2023
விக்கெட் கீப்பர் பேட்டர் கே.எஸ்.பாரத் குரூப் ‘C’ல் முதல் முறையாக இடம் பெற்றார். இந்திய அணியின் விக்கெட் கீப்பர்-பேட்டர் ரிஷப் பந்த், கடந்த ஆண்டு டிசம்பரில் ஒரு பயங்கர விபத்தைத் தொடர்ந்து காயங்களுக்கு சிகிச்சை பெற்று குணமடைந்து வருகிறார், அவர் தொடர்ந்து A பிரிவில் உள்ளார். ஹர்திக் பாண்டியா, ரவிச்சந்திரன் அஷ்வின் மற்றும் முகமது ஷமி ஆகியோரும் ‘A’ பிரிவில் நீடிக்கின்றனர். B பிரிவில் சேட்டேஷ்வர் புஜாரா, கேஎல் ராகுல், ஷ்ரேயாஸ் ஐயர், முகமது சிராஜ், சூர்யகுமார் யாதவ் மற்றும் ஷுப்மான் கில் உட்பட ஆறு கிரிக்கெட் வீரர்கள் உள்ளனர்.
குரூப் சியில் பாரத் தவிர உமேஷ் யாதவ், ஷிகர் தவான், ஷர்துல் தாக்கூர், இஷான் கிஷன், தீபக் ஹூடா, யுஸ்வேந்திர சாஹல், குல்தீப் யாதவ், வாஷிங்டன் சுந்தர், சஞ்சு சாம்சன், அர்ஷ்தீப் சிங் ஆகிய 11 கிரிக்கெட் வீரர்கள் உள்ளனர். எலைட் 'A பிளஸ்' பிரிவில் மூன்று வடிவங்களுக்கும் உறுதியான வீரர்கள் உள்ளனர், அதே நேரத்தில் 'A' என்பது டெஸ்ட் மற்றும் ஒரு நாள் போட்டிகளில் உறுதியாக இருக்கும் வீரர்களைக் கொண்டுள்ளது. வரையறுக்கப்பட்ட ஓவர் கிரிக்கெட்டுக்காகக் கருதப்படும் வீரர்கள் குழு Bல் உள்ளனர், அதே சமயம் C குரூப் வீரர்கள் பொதுவாக மூன்று வடிவங்களில் ஒன்றுக்கு வழக்கமாகக் கருதப்படுகிறார்கள்.
2022-23 சீசனுக்கான பிசிசிஐ ஒப்பந்தங்கள்:
A+ பிரிவு: ரோஹித் சர்மா, விராட் கோலி, ஜஸ்பிரித் பும்ரா மற்றும் ரவீந்திர ஜடேஜா
A பிரிவு: ஹர்திக் பாண்டியா, ஆர் அஷ்வின், முகமது ஷமி, ரிஷப் பந்த், அக்சர் படேல்
B பிரிவு: சேதேஷ்வர் புஜாரா, கேஎல் ராகுல், ஷ்ரேயாஸ் ஐயர், முகமது சிராஜ், சூர்யகுமார் யாதவ், ஷுப்மான் கில்
C பிரிவு: உமேஷ் யாதவ், ஷிகர் தவான், ஷர்துல் தாக்கூர், இஷான் கிஷன், தீபக் ஹூடா, யுஸ்வேந்திர சாஹல், குல்தீப் யாதவ், வாஷிங்டன் சுந்தர், சஞ்சு சாம்சன், அர்ஷ்தீப் சிங், கே.எஸ்.பாரத்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
