அதிர்ச்சி! பள்ளியில் காண்டம், மதுபானம்... மாணவிகளின் வகுப்பு அருகே படுக்கையறை

மத்தியப் பிரதேசத்தின் மொரேனா மாவட்டத்தில் உள்ள ஒரு பள்ளி ஒன்றில், அதிபரின் அறையில் திடீர் சோதனையின் போது மதுபானம் மற்றும் ஆணுறைகள் கண்டுபிடிக்கப்பட்டதை அடுத்து பள்ளிக்கு சீல் வைக்கப்பட்டது.

மத்தியப் பிரதேசத்தின் மாநில குழந்தைகள் உரிமைகள் பாதுகாப்பு ஆணையம் சார்பில் அப்பள்ளியில் நேற்று திடீர் ஆய்வு நடத்தப்பட்டது. அந்த குழு பள்ளியில் படுக்கைகள், மதுபானம், ஆணுறைகள், முட்டைகள் அடுக்கும் தட்டுகள்  மற்றும் எரிவாயு சிலிண்டர்கள் ஆகியவற்றைக் கண்டறிந்தது. "காஸ் சிலிண்டர் மற்றும் மது பாட்டில்கள் உட்பட பிற ஆட்சேபனைக்குரிய பொருட்கள் இருந்ததை நான் பார்த்தேன். போலீசார் முழு விஷயத்தையும் விசாரித்து வருகின்றனர்," என்று அந்த ஆய்வுக் குழுவின் உறுப்பினரும், மாவட்ட ஆட்சியருமான நிவேதிதா சர்மா கூறினார்.

மேலும் படிக்க | கொச்சி அருகே விபத்திற்குள்ளான கடலோர பாதுகாப்பு படை ஹெலிகாப்டர்! 3 பேர் படுகாயம்!

பள்ளி முதல்வர் மீது  வழக்குப்பதிவு செய்யப்பட்டுள்ளது. விரிவான விசாரணை காவல்துறையிடம் கோரப்பட்டுள்ளது. மேலும், சர்மா,"வழக்கமான ஆய்வுக்காக நாங்கள் அங்கு சென்றபோது, ​​பள்ளியின் இரு மூலைகளும் உள்ளிருந்து எவ்வாறு இணைக்கப்பட்டுள்ளன என்பதை அறிந்து ஆச்சரியப்பட்டோம். அங்கு ஒரு அறையில் மது பாட்டில்கள், ஆணுறைகள் அங்கு காணப்பட்டன. இது ஒரு முழுமையான குடியிருப்பு பகுதி போல இருந்தது. இது ஒரு நபருக்கு மட்டும் சொந்தமானது அல்ல, ஆனால் அங்கு வசித்து வந்த பலர் கட்டடத்தில் இருந்து வெளியே வந்தனர். இது ஒரு தங்குமிடமாக பயன்படுத்தப்பட்டது" என்றார். 

"கட்டடத்தின் மற்ற இடங்களில் சிசிடிவி கேமராக்கள் பொருத்தப்பட்டபோது, ​​குறிப்பிட்ட பிரிவு ஏன் விடுபட்டது என்ற கேள்வி எழுகிறது. அவர் அங்கு தங்கவில்லை என்று முதல்வர் சொன்னால், யார் தங்கினார், ஏன் 15 படுக்கைகள் உள்ளன. மிக முக்கியமாக, அந்த அறைக்கு ஏன் பெண் மாணவர்களின் வகுப்பறைகளுடன் நேரடி நுழைவு உள்ளது" என்று நிவேதிதா சர்மா கேள்வி எழுப்பினார். 

மேலும், பள்ளி வளாகத்தில் மதுபானம் அருந்துவதற்கு அனுமதி இல்லை என்றும் கூறினார். "இது சட்டத்தை மீறும் செயலாகும். இந்த விஷயத்தில் கலால் துறையும் நடவடிக்கை எடுத்து வருகிறது. ஏனெனில் இதுபோன்ற அளவு மதுபானங்களை யாரும் வைத்திருக்க முடியாது என்பதும் சட்டவிரோதமானது. ஆணுறைகள் உட்பட வேறு சில ஆட்சேபனைக்குரிய பொருட்களும் கண்டுபிடிக்கப்பட்டன," என்று அவர் மேலும் கூறினார்.

மேலும் படிக்க | ஏப்ரல் 1ம் தேதி முதல் இந்த விதிகள் மாற இருக்கும் முக்கிய விதிகள் என்னென்ன

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ