Thalapathy 69 MovieTitle First Look :நடிகராக மட்டும் 30 ஆண்டுகளுக்கு மேல் திரையுலகில் வலம் வந்து கொண்டிருந்த விஜய், கடந்த ஆண்டு தமிழக வெற்றிக்கழகம் அரசியல் கட்சியை ஆரம்பித்து, அரசியலிலும் களமிறங்கினார். முழு நேர அரசியல்வாதியாக மாறுவதற்கு முன்னர், விஜய் நடித்துக்கொண்டிருக்கும் கடைசி படம் ‘தளபதி 69’. இந்த படத்தின் ஃபர்ஸ்ட் லுக் தற்போது வெளியாகி இருக்கிறது.
ஃபர்ஸ்ட் லுக்:
We call him #JanaNayagan #ஜனநாயகன் #Thalapathy69FirstLook#Thalapathy @actorvijay sir #HVinoth @thedeol @prakashraaj @menongautham #Priyamani @itsNarain @hegdepooja @_mamithabaiju @anirudhofficial @Jagadishbliss @LohithNK01 @sathyaDP @ActionAnlarasu @Selva_ArtDir… pic.twitter.com/t16huTvbqc
— KVN Productions (@KvnProductions) January 26, 2025
விஜய் படத்தின் பெயர், ‘நாளைய தீர்ப்பு’ என கூறப்பட்ட நிலையில், அதையெல்லாம் இல்லை என நிரூபிக்கும் வகையில், படத்தின் பெயர் ‘ஜனநாயகன்’ என்பதை படக்குழு அறிவித்துள்ளது. இது, டைட்டில் குறித்து பரவி வந்த வதந்திகளுக்கு முற்றுப்புள்ளி வைக்கும் வகையில் உள்ளது.
அரசியல் வருகையினால் வைத்த டைட்டிலா?
விஜய்யின் அரசியலுக்கு வருவதற்கு முன்னரே தனது படங்கள் மூலம் அரசியல் பேசி, ரசிகர்களுக்கு ஹிண்ட் கொடுத்து வந்தார். இப்போது கட்சியை தொடங்கி 2026ஆம் ஆண்டு தேர்தலில் போட்டியிட இருக்கும் இவர், இந்த படத்திலும் அதிகமாக அரசியல் பேசியிருப்பார் என எதிர்பார்க்கப்படுகிறது. இதை மனதில் வைத்தே இந்த படத்திற்கு ஜன நாயகன் என்று பெயர் வைக்கப்பட்டுள்ளதாக சிலர் பேசி வருகின்றனர்.
விஜய்யின் கடைசி படம்..
நடிகர் விஜய், தனது 30 ஆண்டுகளுக்கும் மேலான திரை வாழ்க்கையை, இந்த ஆண்டுடன் முடித்துக்கொள்ள இருக்கிறார். இவரை சிறு வயதில் இருந்து பார்த்து, ரசித்து வளர்ந்த அவரது ரசிகர்களுக்கு இந்த விஷயம் சோகத்தை ஏற்படுத்தி இருக்கிறது. விஜய்யின் இந்த முடிவினால் பலரும் அதிர்ச்சிக்குள்ளானாளும், இவரது அரசியல் வருகைக்கு பலர் வரவேற்பு கொடுத்துள்ளனர்.
தளபதி 69…
விஜய்யின் 69வது படத்தை, கேவிஎன் ப்ரொடக்ஷன்ஸ் நிறுவனம் தயாரித்துள்ளது. தெலுங்கு பட தயாரிப்பு நிறுவனமான இது, முதன்முறையாக தமிழ் படத்தை தயாரித்துள்ளது. இப்படத்தை ஹெச்.வினோத் இயக்குகிறார். இதில் விஜய்க்கு ஜோடியாக பூஜா ஹெக்டே நடிக்கிறார். மலையாள நடிகை மமிதா பைஜு, இந்தி நடிகர் பாபி டியோல், நரேன் உள்ளிட்டோர் முக்கிய கதாப்பாத்திரங்களில் நடிக்கின்றனர். கடந்த அக்டோபர் மாதம் 4ஆம் தேதி இப்படத்தின் பூஜை சென்னையில் நடைப்பெற்று படப்பிடிப்பு தொடங்கியது. இதையடுத்து, சென்னையில் தொடர்ந்து படப்பிடிப்பு நடைப்பெற்று வருகிறது.
முதலில், படத்தின் பாடல் ஒன்று காட்சிப்படுத்தப்பட்டது. இதன் ஷூட்டிங் சென்னையில் நடந்தது. இதில் விஜய்யுடன் பூஜா ஹெக்டே கலந்து கொண்டார். தொடர்ந்து சில மாதங்கள் ஷூட்டிங் நடைபெற இருக்கிறது. இதில் பிற முக்கிய கதாப்பாத்திரங்களில் நடிப்பவர்கள் கலந்து கொள்ள இருக்கின்றனர்.
மேலும் படிக்க | பகவந்த் கேசரி படத்தில் அப்படி என்ன இருக்கு? விஜய் 5 முறை பார்க்க காரணம் என்ன?
மேலும் படிக்க | தளபதி 69 படத்தில் இணைந்த நடிகர்! தனுஷின் நெருங்கிய நண்பரும் கூட..யார் தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
