உயிரினங்களின் வாழ்க்கையில், உணவு என்பது உயிர் வாழ்தலுக்கான அடிப்படை தேவைகள் ஆகும். ஆனால், உணவு உண்ணுதல் என்பதே ஒரு கோளாறாக மாறி வரும் போக்கு அதிகமாகி வருவது கவலைக்குரிய ஒன்று. உணவுக் கோளாறுகள் சிக்கலான மனநல நிலைமைகளாகும், அவற்றை சரிப்படுத்த மருத்துவ மற்றும் உளவியல் நிபுணர்களின் தலையீடு தேவைப்படுகிறது.
ஒரு தனிநபரின் உடல்நலம் மற்றும் மனநலத்திற்குக் கேடு விளைவிக்கத்தக்கதான உணவு பழக்கத்தை Anorexia Nervosa அல்லது Eating Disorder என்று மருத்துவர்கள் அழைக்கின்றனர். குறைந்த அளவில் அல்லது மிதமிஞ்சிய அளவில் உணவு உட்கொள்ளும் அசாதாரண பழக்கங்கள் உண்ணுதல் கோளாறு அல்லது உணவு உட்கொள்ளல் தொடர்பான நோய்கள் என்று வரையறுக்கப்படுகின்றன.
இதில் முக்கியமான விஷயம் என்னவென்றால், உடற்பருமன் என்பது உண்ணுதல் கோளாறாக கருதப்படவில்லை. உணவுக் கோளாறுகள் ஆறு வகையாக பிரிக்கப்படுகின்றன.
ஆறு வகையான உணவுக் கோளாறுகள்
- மிகக்குறுகிய காலத்தில் அதிக உண்வு உண்ணுதல்
- அனோரெக்சியா நெர்வோசா என்பது மிகக்குறைந்த அளவு உண்டு உடல் எடைக் குறைவுடன் காணப்படுதல்
- புலிமியா நெர்வோசா- அதிகமாக உண்டு பின்பு அதிலிருந்து விடுபட முயற்சித்தல்
- பைக்கா- உணவுகளல்லாத உணவுப்பொருட்களை உண்ணுதல
- ரூமினேசன் கோளாறு- உண்ட உணவைத் திரும்ப வெளியேற்றுதல்
- ஒதுக்குதல்- மிகக்குறைந்த அளவே உண்ணுதலில் ஆர்வம் காட்டல்
மேலும் படிக்க | ஹை யூரிக் ஆசிட் இருக்கா? இந்த வீட்டு வைத்தியத்தை பின்பற்றுங்கள்
இந்த உண்ணுதல் கோளாறுகள், மனக்குழப்பம், மனச்சோர்வு, முறைகேடான பழக்கங்கள் ஆகியவற்றால் ஏற்படுபவை என்று கூறப்பட்டாலும், உண்ணுதல் கோளாறுக்கான காரணங்கள் தெளிவாக வரையறுக்கப்படவில்லை உடல் மற்றும் சூழல் காரணிகள் இதில் பங்குகொள்கின்றன. இதில் கலாச்சாரமும் முக்கிய காரணமாகிறது என்று நம்பப்படுகிறது
உண்ணும் கோளாறுகள் என்பது ஆரோக்கியமற்ற உணவுப் பழக்கத்தை உருவாக்கும் உளவியல் நிலைகளின் வரம்பாகும். உணவு, உடல் எடை அல்லது உடல் வடிவத்தின் மீதான ஆர்வமும் உண்ணும் கோளாறாக மாறலாம். இது தீவிரமானால், கடுமையான உடல்நல விளைவுகளை ஏற்படுத்தும் என்பதோடு, தீவிரமான உணவுக் கோளாறுக்கு சிகிச்சையளிக்கப்படாவிட்டால் மரணம் கூட ஏற்படலாம். உண்மையில், உண்ணும் கோளாறுகள் மிகவும் ஆபத்தான மன நோய்களில் ஒன்றாகும்.
உணவுக் கோளாறு உள்ளவர்கள் பல்வேறு அறிகுறிகளைக் கொண்டிருக்கலாம். பொதுவான அறிகுறிகளில் கடுமையான உணவு கட்டுப்பாடு, உணவு அருந்துதல் மற்றும் வாந்தி அல்லது அதிகப்படியான உடற்பயிற்சி ஆகியவை அடங்கும்.
உணவுக் கோளாறுகள் எந்த பாலினத்தவர்களையும் வாழ்க்கையின் எந்த நிலையிலும் பாதிக்கலாம். ஆனால், பெரும்பாலும் இந்த நோய் இருப்பதை அறிந்துக் கொண்டு சிகிச்சை பெறுபவர்களின் எண்ணிக்கை குறைவாகவே இருப்பது கவலையளிப்பதாக மருத்துவர்கள் கூறுகின்றனர்.
உணவுக் கோளாறுகளின் அறிகுறிகள்
வெவ்வேறு வகையான உணவுக் கோளாறுகள் வெவ்வேறு அறிகுறிகளைக் கொண்டுள்ளன. உணவு மற்றும் எடையின் மீதான ஈடுபாடு வாழ்க்கையின் மற்ற அம்சங்களில் கவனம் செலுத்துவதை கடினமாக்கலாம். உணவுக் கோளாறுகளின் அறிகுறிகள் என்பது மன மற்றும் நடத்தை அறிகுறிகள் அடங்கும்.
மேலும் படிக்க | கீழ் முதுகு வலி ஏன் ஏற்படுகிறது? அதிலிருந்து விடுபட நீங்கள் செய்ய வேண்டியது
நடத்தை அறிகுறிகள்
எடை இழப்பு
பொது இடங்களில் சாப்பிடுவது பற்றிய கவலை
எடை, உணவு, கலோரிகள், கொழுப்பு கிராம்கள் அல்லது உணவுக் கட்டுப்பாடு ஆகியவற்றில் ஆர்வம்
மலச்சிக்கல், குளிர் சகிப்புத்தன்மை, வயிற்று வலி, சோம்பல் அல்லது அதிகப்படியான ஆற்றல் பற்றிய புகார்கள்
உணவு நேரத்தை தவிர்க்க சாக்கு சொல்லுதல்
எடை அதிகரிப்பு தொடர்பான தீவிர பயம்
எடை இழப்பை மறைக்கும் வகையில் ஆடை அணிதல்
உட்கொள்ளும் உணவின் அளவு மற்றும் வகைகளை கடுமையாக கட்டுப்படுத்துதல்
சில உணவுகளை சாப்பிட மறுப்பது
பசி உணர்வை மறுப்பது
கலோரிகளை "எரிப்பதற்கான" தேவையை வெளிப்படுத்துவது
மீண்டும் மீண்டும் எடை பார்த்துக் கொள்வது
உணவு மற்றும் சுத்திகரிப்பு முறைகளில் அதிகப்படியாக கவனம் செலுத்துவது
மேலும் படிக்க | அடிக்கடி ஏற்படும் பசியை நிறுத்த உதவும் 8 ஆயுர்வேத உணவுகள்
உடல் ரீதியிலான தாக்கம்
வயிற்றுப் பிடிப்புகள் மற்றும் பிற இரைப்பை குடல் பிரச்சனை அறிகுறிகள்
கவனம் செலுத்துவதில் சிரமம், கவனச் சிதறல்
இரத்த சோகை, குறைந்த தைராய்டு அளவுகள், குறைந்த ஹார்மோன் அளவுகள், குறைந்த பொட்டாசியம், குறைந்த இரத்த அணுக்களின் எண்ணிக்கை, மெதுவான இதய துடிப்பு
தலைசுற்றல்
மயக்கம்
எப்போதும் குளிர்ச்சியாக உணர்வது
தூக்க முறைகேடுகள்
உடல் சோர்வு
குமட்டல்
சரும வறட்சி
நகங்களில் வறட்சி
முடி கொட்டுதல்
தசை பலவீனம்
மோசமான நோயெதிர்ப்பு அமைப்பு செயல்பாடு
மேலும் படிக்க | த்ரிஷா மாதிரி என்றும் 16 வயதாக இருக்கணுமா... உணவில் கட்டாயம் சேர்க்க வேண்டியவை!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
